呢個係太陽哥哥的pre-birthday cake，因為過兩天就係佢生日啦，我地到時唔會放假，只係晚上食飯慶祝，諗住係五月尾連埋端午放一日，到時先睇下去邊度玩啦！平時食左晚飯實食唔落蛋糕，宜家佢屋企裝修緊我又唔會去佢度，聽日都同唔到佢過十二點，於是擇日不如撞日啦，橫掂今晚約左媽咪威哥九點打邊爐，中間的時間買個cake又可慶祝又可醫肚，簡直係一舉兩得啦！
於是等太陽哥哥放工後，約佢五點半係葵芳等，我就早少少去買定蛋糕，點知我勁攪笑囉，到比錢時發現．．．冇帶銀包！
最後唯有問太陽哥哥借錢買蛋糕，仲比佢笑我，話邊有人自己生日用自己錢買蛋糕喎！
蛋糕上的SUNNY，睇得出係兩個人的字跡嗎？其實係咁既，我幫襯呢間shop，係因為佢可以即刻寫名，咁意義大好多，點知比完錢過去拎時，Ｏ晒咀，寫得好肉酦，個姐姐自己都知肉酸架，仲問我介唔介意等佢寫過，我當然唔介意啦；我仲問佢：您介唔介意我自己寫？佢話當然唔介意，我咪自己寫囉，但佢支吱花真係勁幼身同勁冇咩朱古力囉，我寫到手都痺先寫到SUN，佢見我頂唔順話幫我，佢今次咁有信心，諗住佢掂啦，咪比佢，點知都係唔掂，早知我自己寫埋落去．．．
不過太陽哥哥咁開心，應該唔仲意既！嘻嘻～～
雖然我地今晚去打邊爐，但媽咪特登煮個牛仔骨比我地聽日帶飯，所以我就叫太陽哥哥捧個蛋糕入廚房同媽咪影返張相，媽咪仲好攪笑咁想整古太陽哥哥呢！
我地都自拍了一張：
許願．．吹蠟燭．．．切蛋糕．．．係指定動作：
夜晚去左新星打邊爐，等到九點係有原因架，因為買一送一喎！
青衣的新星我都係第一次黎，太陽哥哥話上次返大陸玩小型賽車，朝早飲茶個間咪又係新星囉，我都唔知添．．．呢度都好新好靚下喎，有特價打邊爐個ｄ酒樓，通常比我感覺係有ｄ污糟同cheap架，但呢度都幾grand下喎！
就係呢個買一送一：
任食火鍋通常濕濕立立又唔太新鮮，呢度絕對冇，好新鮮，好大碟呀！
碟野大過我個頭好多呢！
威哥又唔肯上鏡，唯有影媽咪啦！
埋單$248，每人六十蚊度，真係算抵，因為食物質素真係唔差，有蝦又有好多蚌，連象拔蚌都有喎，仲想點！個鍋係另外計錢，預左既，所以多人黎就更加抵，當然一定要雙數先最抵啦！不過指天椒要另外十蚊碟係點菜紙比您剔，我地當然唔要啦！另外值得一提係，我預左要另外比茶錢醬油錢架啦，點知只係計兩位而唔係四位，又幾轟爭喎，加分！
沒有留言:
張貼留言