2009年5月4日 星期一

2009-05-04 (Mon) 陪威哥入院 check 腳


由於威哥隻腳好下又痛下,計埋都成兩個星期;呢兩日另一隻腳仲痛埋添,媽咪想佢入院 check 下咩事,我就負責送佢入院,今日一放工就即刻衝去浸會醫院呢!


去到六點半,點知淨係等分流都等左成粒鐘;book左時間入院都要等做分流啦,浪費時間,頂!七點半分流完後仲無聊,話病房未得住,要等多半個鐘,叫我地自己去食野先!




食完見醫生,跟住就入院啦;呢間係六人房,都冇咩人,但check in時又話其他房爆晒,呢間仲係貴房,因設施upgrade左,有兩個廁所同每個床位都有私人電視,六百五十蚊一日架,好在威哥都霸到個窗口位,哈哈~~




威哥聽朝要抽血同做checking,十一點後要禁飲食,即刻call琪琪快d買野食黎先!




琪琪大約十點到,帶左串燒同糖水,仲有一幅大富翁啤牌!




探病者咁有心,病人梗係要同探病者影下相啦!




甜品時間,快d食啦威哥,仲係度玩,就快到十一點啦!




我地一路食糖水,一路玩呢幅大富翁啤牌;我同威哥都係第一次玩,開頭覺得冇咩興趣,點知玩左第一舖就覺得好好玩,因為我抽到好多物業同錢呀,成為大贏家,梗係覺得好玩啦!哈哈~~遲d行開教協,睇下有冇得平d先!



第二舖威哥贏,教人玩的琪琪竟然冇贏到!



玩完兩舖都十一點啦,要閃啦,今日好攰呢!




沒有留言:

張貼留言