您能待在一個工作機構三十五年嗎？三十五年．．．真係一個好長既時間呀，我出世都宜家咁大個女，都未有三十五年咁長呢！
麥生就係中大做左三十五年啦，今日中大仲有頒獎典禮添，聽聞有四位數字獎金呢！隔離office的太太們好有心咁買了蛋糕賀麥生，還問我借了相機影相呢！
各人跟麥生合照，因為我實在太忙碌，冇時間social呀，所以將相機交比jimmy san幫手拍照，真係唔好意思喇！
到大家食晒蛋糕咁滯我先蒲頭．．．嘻嘻～～
另外，今日同太陽哥哥飯後睇左金錢帝國，故事內容好普通，好多港產片都演過類似橋段；不過我都想去睇，係因為有bowie呀！
雖然佢戲份少，但佢好少拍電影麻，而戲入面佢仲係忠角，係一個好堅持信念既好教官好專員，好得後輩愛戴，勁有型！
黃秋生的角色亦好出，由衰差佬變做 ICAC專員去反貪污，最重要拎返做人既尊嚴！黃秋生真係好好戲，無論對白or一ｄ小情節既表情眼神，好似試咖啡呀、被bowie說加入 ICAC呀等．．．影帝果然名不虛傳！
反而方力申，我覺得佢．．．唔知點講，又唔可以講一ｄ都唔突出，只係覺得佢拍呢套戲應該冇咩難度囉！
其實呢套都好多勁人，又黃秋生又梁家輝，都係好戲之人，所以絕對值得買飛入場睇！
沒有留言:
張貼留言