盤生盤太星期六就返加大拿啦，原本約左今日食多次lunch架，點知盤生臨時有事食唔到；不過佢竟然做完野後入黎探我地，當然仲係其他舊同事啦！
佢一入到office就比左份大禮我，我好意外呀；我早幾個月前問過佢年尾會唔會返香港，佢話有機會架，我就講左佢知我既婚期；點知佢今次返黎好突然，係因為佢外母有事呀，所以打亂左佢計劃，佢同我講年尾唔返黎啦，但禮就一定要比左我先！
我開頭淨係要張咭唔要利是架，因為我都未發帖比佢，基本上佢唔洗做禮比我；點知佢死唔肯，仲話佢當自己嫁左個女架，真係好感動呀！
影相留念梗唔少得！
以前UGO只得六七個同事，宜家已經一個double，仲要係只得我同麥生識得盤生咋！
沒有留言:
張貼留言