今日係平安夜，之前個兩年平安夜都是同太陽哥哥食buffet渡過，今年有咩攪呢？以往咁多年，我的習慣通常都係平安夜同男朋友一齊過，聖誕就同朋友們開派對，所以今日都係諗住同太陽哥哥行下街食下飯！
由於早前買了玩具比victor個囡囡凱玲，造就左我地今日過銅鑼灣比份禮物victor同gigi，victor見我地送禮物，就叫我地一齊食飯，我地都冇咩所謂，因為周街都咁多人，我地就去左鵝頸橋食打冷，揀了有ｄ人氣既"明記"！
侍應們的"制服"都印了舖頭名字，好型呢！
聚精會神地在揀菜，兩公婆果然好襯呀！
我地叫左炒蜆、薑蔥炒蟹、沙薑雞、沙拉骨、蒜蓉豆苗、蠔仔粥；食物整體一般，蜆肉好細粒，沙拉骨金潮小廚好味ｄ，蠔仔粥就覺得太陽哥哥樓下生昌較好味，炒蟹同沙薑雞就唔錯！
victor影相好合作呀，扮晒甫士，so good！
victor突然叫走魚，原來有條好生猛既魚係魚缸入面跳左出黎，好大條呀！
呢餐都幾貴，盛為六百幾蚊，咁貴既？原來兩隻蟹貴．．．victor仲請客，有ｄ唔好意思添，不過呢個價錢真係唔太值，可以去到跑馬地熟食市場食翅仲抵呀！
同victor & gigi 分別後，我地就係銅鑼灣行街，買了兩條便宜裙子，亦係SOGO買了兩隻杯比媽咪，因為屋企的一套杯有兩隻打爛左！呢套杯我地都好鍾意架，用左差唔多三年啦，早前媽咪同囝囝個隻都打爛了，我知媽咪唔係幾開心，竟然比我係SOGO搵到，太好了！
因為六點幾就食晚飯，到夜晚十一點開始肚餓了，返到大圍後我地就去左食宵夜！
咁多野食只係四十幾蚊咋，好抵食呢！下次肚餓呢度係不錯既選擇，越黎越鍾意呢度了，咩都有得食，日本野、泰國野、潮州野、車仔麵舖、糖水舖、粥舖等等，仲要係開到好夜呢！
沒有留言:
張貼留言