2008-12-22 (Mon) 2008聖誕咭 & 2009年曆咭

 

相信好多朋友們都收到我送上2008聖誕咭 & 2009年曆咭了，又係時候同大家報導下佢地既製作過程！

呢個係電腦稿：

 

呢個係好珍貴的手稿，係成個製作的精髓，尤如電影的story board一樣，冇佢地就唔會有今日的製成品！

 

係呢個真稿，亦係朋友們收到時的聖誕咭同年曆咭；每次的藍色都好難掌握，電腦睇同印出黎睇，都總係有出入；係喎，唔知朋友們一共搵到幾多個錯處呢？

其實講返今年呢張聖誕咭，一開始我地係冇諗住男女仔各一邊咁印架，好好的太陽哥哥原先諗住整張係我個樣的聖誕咭，等我可以送比我既朋友仔，所以畫左一個男仔一個女仔，但到問價時發覺男女分開印價錢貴好多呀，所以決定放埋一齊印，太陽哥哥仲好好比我做封面添！等左幾十年，終於上到封面啦，哈哈！

跟住出黎效果都好好，我地一拎上手睇先發覺好似玩 photo hunt 咁囉！早知有呢個效果，我實叫太陽哥哥整多ｄ唔同啦！

 

年曆咭延續左上年的意思，但我地下一步係點，仍然都係無可奉告呀，真係唔好意思喇，繼續 to be continued 住先啦！嘻嘻~~

各位朋友仔：唔知您地覺得今年的製作如何呢？隨時歡迎比ｄ意見，我會轉交比負責既設計師知架啦！嘻嘻~~

唔知大家記唔記得2007聖誕咭 & 2008年曆咭係咩樣既呢？隨時可欣賞返架！