尋晚好開心收到份小禮物，係Elsa送比我架，佢仲係返PT時偷偷放入我手袋既！
不過我都唔執輸，前幾日佢上Yahoo拍賣場搵ｄkitty畢業公仔，睇到有幾隻岩，就問下我意見邊仔靚ｄ！
以下四隻入面，我最鐘意第一隻，Elsa就鐘意第二隻：
女人就係咁，一聽到同自己心中答案唔同時，就好易動搖，係Elsa考慮緊買邊隻既時候，我就好醒目咁解決左佢既煩惱，就係叫佢買自己鐘意個隻，我就買我鐘意個隻送比佢，即係．．．兩隻都買哂去！睇中個ｄ都買晒去，好型呀，YEAH！因為我覺得，橫掂到時我去同佢影畢業相時，都要買野送比佢架啦！唔．．．如果佢會邀請我的話，佢應該會邀請我掛？！嘻嘻~~
Elsa收到隻公仔真身後，影左相比我睇，好多時上網買野，收到貨後同網上張相都會有出入，但呢個交易，我就好滿意，同相片一模一樣，仲有埋個盒裝好，公仔亦比我想像中靚呢！我唔好kitty都覺得非常靚，我既眼光果然唔錯呀下，哈哈！
我同Elsa好似係度交換禮物咁呀，so happy！
沒有留言:
張貼留言