今晚太陽哥哥接我PT放工，佢做完 gym 仲未食野，咁岩我都冇食晚飯，又難得今晚我返完工都唔太攰，最主要係今晚心情勁靚，話說今日我搭車去銅鑼灣返工時，落車時發覺漏左部手機係車度，當時好驚好擔心好亂，朋友既電話又save晒手機度，好慌張．．．中間過程唔多講，總之狼狽萬分，而最後部手機係搵得返既，不過要聽朝先拎得返；好多朋友話我十個好彩，我都覺得係，當時諗住實冇硬，好傷心，唔知係咪好人有好報，所以搵得返呢，總之好開心啦！
心情咁靚我就話一齊去食宵夜啦，我地去左好耐都冇食過既 KFC，食完就真係好夜啦，仲等左好多車，成十一點半先上車呀！
尋晚同太陽去Euro GoGoGo度食，係咪順便post埋；呢度ｄ野唔係太貴，只係三四十蚊就有個意粉！
蘆筍湯加酥皮〔$16〕
香蒜芝士青口〔$30〕
粟米雞皇意粉〔$32〕
十一號檯，我十一號生日架！呢個影相effect都幾得喎，嘻嘻~~
還有半客千島海鮮pizza〔$32〕，似乎我影得好ｄ喎！
Euro GoGoGo總括黎講都幾好食，亦算經濟，但我唔係咁鐘意呢度全用即棄錫紙，好唔環保呀！
沒有留言:
張貼留言