呢排好忙呀，但又講唔出忙咩同做左ｄ咩，因為係可能好多野想做，尤其係好多野要預備、籌備，但同太陽哥哥夾到既時間實在少之又少，我一至五返兩三晚PT，佢六日就日頭去左楂車，有時仲要就埋ｄ舖頭開門時間，所以我地今日出動時，其實已經係天黑咁滯！
先去醫肚，去左花園街的一間明記車仔麵，我細個讀緊書時媽咪已帶我去食架啦，呢度ｄ豬紅好好味架！由於呢排成日要係太子旺角出沒，早前都帶過太陽哥哥黎試架啦，佢都覺得好好味，自此我地一冇咩時間，想食個快飯就會黎食車仔麵，有時趕住上新世紀睇戲，呢度真係快靚正既選擇！
入面好舊式feel架，一張長檯過排排坐咁！
食得好滋味喎，哈哈！
叫四五樣餸，連埋麵先係廿幾蚊碗，好抵食呢！
醫肚後就出動啦，我地係花園街入面一間舖頭搵道具，預備四月一號影相時用，因為我同太陽哥哥都品味相近、要求一致，大家都想影一輯充滿歡樂氣氛同開心 style 既相！
聚精會神咁諗緊有咩攪作咁喎．．．個腦又唔知有咩鬼主意呢！
跟住去左金都睇花球，平時十五十六兼有選擇恐懼症既我，竟然一睇就睇中，真係奇蹟呀！希望上天繼續眷顧著我，黎緊仲有好多既選擇，希望可以係短時間度落實，或者比晒太陽哥哥決定，我唔洗諗唔洗煩就最正，yeah！
就係呢個啦，原來我對黃色係咁情有獨鐘架，好鐘意好鐘意呢！
呢個細個ｄ，我都係鐘意上面個個多ｄ，不過呢ｄ決策上既野，我係唔會咁魯莽既，等我返去問下我既統籌兼策劃人SaSa先，佢點頭我先咁action架！嘻嘻~~
之後仲去埋花園街，意外地比我地搵到氫氣球，我一路都好想要架，實際野問好晒，宜家係差技術上問題睇下配唔配合到，希望work啦！
沒有留言:
張貼留言