今年的年初二好特別，我地約左克勤！係度要多謝carol & carol mami幫我地係第一日就買到靚飛第二行中間位，亦要多謝jacky識到carol我先可以搭到路麻！不過可惜佢地好忙未能同我地食飯，我地就同左呀仔兩公婆食，因為佢地都約左克勤；當時其實佢地同我講時已係買飛當天下午，趕唔切join埋落carol個度，但都係臨放工幫佢地撲到第九行飛；雖然冇得一齊坐，但我地可以一齊食晚飯開年兼逗利是麻！
係太陽哥哥屋企食過開年乳豬同雞後就出發！
山林道好多舖頭都未開，我地就隨意試左間日本野！因為我胃痛，無咩食野，但呢度食物水準真係唔錯！尤其是個柚子味雪糕！
到達紅館後，全場爆滿，我地個位置好正呀，前面只係加左四行，我地仲係走廊位，衝去握手實冇問題！由於今晚年初二放煙花，演唱會係九點半開場！
克勤今晚有好多套衫，我盡力咁影晒前後兩面供大家欣賞！不過其實好多都係換外面件外套姐！您地又覺得邊套靚呢？
歌迷好有諗頭，送咁大封利是同尿片，好攪笑！
服裝造型樣就一次過睇晒，咁我講下ｄ特別野啦！呢part克勤一除外套，大家都被佢tee上既BB相吸引，係佢個囝囝黎架，連手臂位都有架，真係sweet喇！
佢仲係呢part首次正式公開佢地囝囝既相，仲整左個溫馨短片，大家快ｄ睇下啦，獨家架！
我地坐咁前，又趕得切衝出去，有好多次好近距離接觸呢！留意第二張，克勤同我有eye contact呀！！仲叫我小心ｄ唔會跌親呀！！哈哈！
仲有兩次握手機會，掂到啦掂到啦！yeah！！
唔洗我多講，憑睇輪廓，都一眼認出席上嘉賓係邊位啦！我見到後當然勁開心啦，就好似我約左我偶像華仔，一齊黎捧太陽哥哥偶像克勤場呢！能同華仔一齊約定睇show，一生無咩幾可，所以好難得！
好靚同壯觀既水晶吊飾！
呢part好攪笑，唱"歲月風雲"有個大公仔，一轉到過黎．．．小剛？？仲識唱歌？？真係合到唱喎．．．全場爆笑！
唱"高妹"時，真係有個高妹model出場，真係好高喎！
有兩首近兩年我好鐘意既歌："十年前後" 同 "公主太子"！前者係同太陽哥哥剛拍拖時好有共鳴既歌，而個隻大碟亦係個期推出既，好似為我地而設咁，哈哈！
克勤謝過所有來賓後，演唱會係十二點半完結，唱足三個鐘，算不錯了！
註：太陽哥哥手製的ticket holder未有相，容後update！
沒有留言:
張貼留言