今日年三十啦，係豬年最後一day，真係要送豬迎鼠喇！
係屋企作大掃除最後衝刺後，陪過媽咪，晏晝就同太陽哥哥出去尖沙咀睇野，繼上星期六銅鑼灣後，今日共睇左四個地方啦！
之後陪太陽媽媽行大運，約左佢係佐敦裕華買野，之後去花墟買花，都好丫，順便買ｄ比媽咪氹下佢，點知．．．由佐敦行去太子呀，真係行左個大大大運！哈哈！我開頭都無所謂既，咁凍，慢慢行下都好，當做運動暖下身都好；但太陽媽媽好勁呀，行得好輕盈同．．．快．．．我追到有ｄ氣喘！去到旺角，真係要休息下，去左灣仔魚蛋粉食晚飯！
花墟比想像中少人，可能已係尾個"浸"了；雖然係咁，但ｄ花一樣咁．．．貴！太陽媽媽買得好開心，買左好多，有ｄ我覺得唔係咁抵的佢都會買，話一年一次喎；原來太陽哥哥係第一次同太陽媽媽咁樣去花墟買花，今日可能同我一齊的緣故，先造就左呢個"旅程"，太陽媽媽心情梗係會靚ｄ啦，買野自然都鬆手ｄ啦；原來農曆年既來臨，真係會令人咁開心！
太陽哥哥今日第一次正正式式做左花王呢！哈哈~~
唔好影唔好影．．．無可奉告無可奉告．．．哈哈~~
今日除左係豬年最後一day，亦係我跟太陽哥哥的十八個月紀念日；全日都好full好有義意，因為做自己野之餘又陪到兩位媽咪喎，咁有義意咁渡過兼送豬年，非常充實呢！
沒有留言:
張貼留言