今日係大年初一，踏入鼠年，祝大家黎緊呢年事事如意、身體健康、心想事成、最緊要荷包飽滿、身材豐滿！恭喜恭喜！
每年的年初一，慣例都係會去嫲嫲度拜年，今年都唔例行！由於下晏先去，朝早太陽哥哥就黎我屋企同媽咪拜年先，年初一第一個就同媽咪拜年喎，媽咪當然開心啦！跟住去到嫲嫲屋企，clement又有應節新衫，好可愛呀，忍唔住要咀佢！
跟住食開年飯，好耐未試過咁大家族食飯啦，其實一年先會得一次！先黎各自各全家福先啦！先係叔叔一家，嫲嫲同佢一齊住，當然預埋佢！
之後我地的全家福！
再有姑媽的全家福！
情侶裝？好sweet喎~~
我亦要跟兩pair情侶黎張單獨合照先！嘻嘻~~
仲有嫲嫲！
叔叔提議我地黎張"小朋友"only，表姐行開左，我地五個就影住先！再趁謙謙表弟唔為意，殺佢一個措手不及．．．咀佢！哈哈！靚女之吻，誰與爭風？哈哈！
表姐返黎，六個兄弟姊妹大合照啦！威哥：唔洗怕羞喎！
男仔反而最唔玩得，又怕羞，唔肯跟我指示擺甫士，唯有黎張三美女圖啦！
clement訓醒，頓時又再成為全場焦點！
我跟clement的小手．．．呢張相係咪好正呢？第時到我有BB，我實同佢狂影溫馨相姐！
個個都爭住同clement影相，訓醒覺醒神晒，笑得好開心噃！
幫表姐一家五口黎張全家幅先！
臨走時，clement又轉look，要著返件厚身小丑衫抵擋寒風呢！
跟住我約左太陽哥哥出旺角，因為之前佢講過每逢過年，旺角西洋菜街個度會有好多小販檔，連續幾日咁擺檔，唔似得年宵後就冇，仲係人山人海咁喎！真？我廿幾歲女都未去過！
十點幾，時間當早，仲未見有小販檔就去左KFC陪太陽哥哥醫肚先！
跟住一出黎，嘩．．．
好迫呀！咩野食都有．．．勁！
夾公仔機？？咁都得．．．好爆笑！
由於成條街都好多人，好難迫到入去睇，我地都係湊下熱鬧咋，冇咩收穫！
沒有留言:
張貼留言