2009年8月26日 星期三

2009-08-26 (Wed) 闊太生活again~~

 
 
 
 
 


因為今日要急住去中環律師樓,所以請左日假,順便又可陪下媽咪,跟佢過逢星期三既闊太生活!去完律師樓後,就陪媽咪去見營養師~~



個centre係中環,媽咪開始左一段時間架啦,我既中大職員人份,仲令媽咪享有折扣呢!



 
 
 
 
 


最吸引係呢個食物櫃,擺放晒健康有益既食物樣本:



大家想食得健康d,就要記住佢地個樣喇:



 
 
 
 
 


咁大舊脂肪先得咁少磅咋!



而媽咪已成功減去純五磅脂肪啦,好叻女呀!



 
 
 
 
 


食物金字塔:



得意蘋果裝飾:



肉模型,呢度係一份肉的份量,等patient知道食餐時一份肉即係幾多;媽咪之前都買左舊,個次我返到屋企見到呢舊野放係檯度,仲以為係一舊生豬肉,媽咪叫我拎比佢,我都唔敢掂,因為像真度真係極高,真係好似一舊豬肉咁架!



 
 
 
 
 


活動金字塔,希望呢d資訊幫到大家!



 
 
 
 
 


醫生見到我陪媽咪黎睇醫生好驚訝呀,話我地生得好似樣,仲問我仲咩咁細個就結婚呀?哈哈~~睇完醫生後,我地就搭叮叮去銅鑼灣!



 
 
 
 
 


今日都係去世貿龍皇飲茶,上去前先去媽咪早前買左媽咪衫間鋪頭度,媽咪上次買左後,件衫就一路放係間鋪頭度先,因為佢仲減緊肥丫麻;今日就去試下件衫宜家著成點先~~


件衫幾靚丫,閃光前後:



 
 
 
 
 


仲有一個月時間,繼續加油啦~~



 
 
 
 
 


飲茶啦,今日多左Auntie Stella個細妹,仲有佢個細妹個囡!



Auntie Florence & Shirley:



 
 
 
 
 


今日主要食點心多,呢度只係一部份咋~~



 
 
 
 
 


闊太生活不離食同行街,飲完茶我地就行Sogo,試Osim產品;呢兩位太太上有按頭器,下有按腳器,我真係忍唔住要影低佢地!


係佢地試緊期間,越試越多,企到攰啦...媽咪仲大大聲講,結左婚唔洗做既生活就係咁架啦,您習慣下啦!咁我就走左去張按摩椅度坐住等,點知個sales哥哥走過黎,話set機比我按摩喎,set緊個陣,佢好八怪咁問我,乜您結左婚架啦?唔洗做野啦?仲咩咁細個就咁快結婚呀?您咩年出世呀?.....


今日第二次有人問我呢條問題啦...哈哈!



 
 
 
 
 


早前太陽媽媽買左紅色囍字被鋪套裝比我地,佢唔記得呢樣應該係由我媽咪買既,但我唔想要多套呀,所以我叫媽咪唔需要再買套比我地啦,屋企已經夠用!但習俗上女家媽咪係要買被鋪既,媽咪就叫我自己揀套,頂多唔要囍字被鋪套裝;係Sogo見到呢套好靚好colourful,exactly係我鍾意既style,媽咪就買左黎送比我地啦!



盒入面冇野,係因為已經急不及待拎左出黎洗啦!哈哈~~



 
 
 
 
 


行完Sogo就搭112隧巴去旺角金都,媽咪話佢會買茶杯cushion個d野比我出門,所以我帶佢去金都睇下,因為呢d野只會用一次,雖然係嫁妝,但我覺得真係冇必要係Sogo入面買囉,貴咁多~~


行完金都就約太陽哥哥同威哥出旺角食飯,係諗緊食咩之際,有人派張倫敦大酒樓既單張比我地,望到呢個四人餐$320全包,見好抵食就扑鎚啦!



 
 
 
 
 


坐低冇耐,太陽媽媽咁岩打比太陽哥哥,佢當時剛係澳門派完帖返到香港,係尖沙咀剛落船,我地就即刻叫埋太陽媽媽過黎一齊食晚飯喇!



 
 
 
 
 


沒有留言:

張貼留言