2009年8月19日 星期三

2009-08-19 (Wed) 闊太一日生活

  
  
  
  


今日放假一天,其一要去銀行攪d野,其二係媽咪約左d中學朋友飲茶行街,呢排媽咪逢星期三要去中環見營養師,見完都會順道同老友們相聚兼行街,好似闊太既生活一樣,所以我今日都跟埋佢去,享受一下闊太既一日生活!


雖然放假,但一早九點幾就要起身去銀行,以為好快會攪掂,點知攪左超過一個鐘,ship~~原本諗住陪埋媽咪去睇營養師都趕唔切,攪掂後即刻碌去銅鑼灣,我地約左係世貿既龍皇飲茶!



一開 lift 門就覺得:嘩,好 grand 喎!


 



  
  
  
  


入到入面都堅 grand,成座落地玻璃,環境開揚,非常舒服的感覺!



個海景view真係超超超正~~



隔離就係 Excelsior:



  
  
  
  


茶具有配襯過架~~



別緻茶壺:



  
  
  
  


食野啦,計埋我同威哥成六個人,所以叫左都幾多野食,有湯同小菜:



  
  
  
  


仲有幾籠點心:



  
  
  
  


媽咪+兩位 auntie,呢兩位 auntie 係媽咪相識三十載既中學同學黎架;我大個女後都好少機會同佢地咁嘆茶法,所以今餐我食客呢!



Auntie Florence同佢個囡囡Shirley:



  
  
  
  


飲完飲我地就去行街啦,行左世貿+Sogo+總統...媽咪上星期係世貿買左件飲衫,帶我去睇下,又睇下鞋咁;因為我租衫個度,媽咪話d媽媽衫太閃太誇,佢唔慣,揀唔到;而Auntie Florence下年一月都娶心抱,所以呢排兩位太太就成日約埋一齊行街睇衫睇鞋咁~~


仲有呀,今日過開黎銅鑼灣,我咪拎埋個girdle黎check下size,因為都買左相隔半年,咁岩Auntie Florence又話想去總統,佢話聽人講呢度有間拎籌買girdle既舖頭,我咪帶佢去囉,宜家派埋籌我都唔知添...去到時派到32號,等緊個位姐姐係13,佢話已經係一開門黎拎籌,到宜家已相隔兩個鐘...咁睇黎我地都要兩個鐘...


除左行街,我地又去左tea,因為又要行街,又要傾計,又要消磨時間,真係太多野要做,好忙碌...我地去左Sogo Cafe,呢度一杯熱檸茶都好多配件喎,個茶隔最特別:



  
  
  
  


小食拼盤:



我的烘多士:



食到六點我地就去試girdle啦,足足攪左成個幾鐘,因為我買左三個bra bra,Auntie Florence原本諗住幫Shirley買,點知買買下佢又自己試埋買埋,仲係半打半打咁買...睇黎佢好信老闆娘,哈哈!


之後媽咪就自己返屋企,因為我同太陽哥哥今晚要返大圍食飯;就咁就過左一日啦,真係過得超快,bomb一聲就過左,每分每秒都有野做,冇一秒停過,仲忙過返工咁,哈哈~~闊太生活真係好正呀!


  
  
  
  


沒有留言:

張貼留言