今日放假一天，lunch約左叔叔姑媽表姐飲茶，當然唔少得諾諾啦，我兩個星期冇見佢了，掛死我！
諾諾學我地戴頭箍：
食左好多野，呢度只係一部份，呢三張相只係個$38午餐 x 2，超抵食！
諾諾畫畫畫+ing：
跟住自己畫手仔，攪笑！
臨分別前換片片，見到有新產品，梗係要影低啦！
影前影後！哈哈～～
夜晚有個重要appointment，就係揀結婚當日既衫喇！好記性既朋友，應該記得上次揀衫時，我仲未揀到褂同敬酒衫；時間無多啦，問左舖頭知道返左好多新款，係時間要confirm啦！
今日真係好多意外收穫，因為返左好多新款，全新兼未租過出街喎，梗係令我心動，最後我ｄ衫全部換過晒！除左婚妙, 都係我先前揀個款最鍾意！
我一向堅持揀一件黃色，上次無咩款，最後揀左呢件，其實較為淺色同簡單，但好過無：
今次有好多黃／金色新款，試左幾件，呢兩件係最後考慮之選擇；第一件貪隻色好sharp好搶，但款同cutting就麻麻，琪琪笑說話似 Miss HK，哈哈～～ 第二件淺色ｄ，但cutting carry得較為好睇！黃／金系列，最後要三揀一，大家鐘意邊件呢？
閃燈前後：
敬酒方面，三票一致通過，講緊係Elsa Phoebe 太陽哥哥(當時琪琪同媽咪行開左)，我一向抗拒紅色，所以冇咩感覺，但難得佢地咁一致鍾意，我就揀左呢件喇，又係全新兼未租過出街架！大家覺得可以嗎？
閃燈前後：
第一件的粉藍，係上次揀左既，但因為有新款，梗係繼續試新野；試左第二件的粉紫，呢次幣啦．．．因為粉藍只得我同Phoebe兩票，呢件Phoebe一路稱佢為cinderella，因為exactly係灰姑娘條公主裙既顏色！哈哈～～ 粉紫係試身室入面偷影，所以影得唔係幾好，但佢有媽咪琪琪Elsa太陽哥哥四票呀！Elsa最攪笑，係咁講件衫係全新喎，引我揀！四對二，點算好．．．所以最終hold晒兩件，收集下意見先決定！
今次位置不利，不能件件偷影，我其實一共都試左成十件衫，包括以下被foul的：
我試完就到太陽哥哥，不過完全偷影唔到，因為老闆娘serve佢；但最攪笑係老闆娘用舖頭的相機影太陽哥哥，要佢做model喎，影完當sample比客揀衫，但影個ｄ係．．．馬褂黎架！哈哈～～
跟住拿拿林揀埋姊妹衫，要四件一式一樣的款式，只得四個款，搵左準姊妹琪琪同Elsa試，效果都麻麻地．．．其實有ｄ更靚既款架，但可惜又只得一件，咁我又真係想四件一模一樣；當然啦，最重要係一樣得黎，都想大家又真係著得靚靚啦，咁點算呢？唯有加錢全新造啦！雖然咁會over左少少budget，但做到就盡力做啦，做得姊妹既都係好朋友麻！
攪掂晒已經成十點啦，我地去左紅螞蟻食飯：
影下合照先，今日真係多謝晒各位黎幫眼，捱左足足三個半鐘呢，勁！
沒有留言:
張貼留言