今日到太陽媽媽同哥哥試衫啦，因為太陽哥哥放工遲過我，所以我去同太陽媽媽試先；太陽媽媽一共試左大約十套度，開頭個ｄ真係麻麻地，係個sales姐姐揀比佢既，因為好多都好閃，同埋最重要係好沉色，原來太陽媽媽跟我一樣，唔太受到深色衫，於是我就出手，係咁揀比佢試，我揀個ｄ佢多數咁想試下，而sales姐姐揀比佢個ｄ，佢就麻麻地喇；下面咁多件，有八成係我揀比太陽媽媽試架！
呢三件係跑出既，第一件就梗架啦，一著上身個個都話好，唔沉色得黎，sharp sharp地又唔太誇！
呢件好睇就好睇，不過我覺得淺色左少少，但太陽媽媽比較過後，都係較鐘意淺色，所以最後都揀左，希望到時影相冇問題啦！
呢件其實係太陽媽媽既第二最愛，少閃麻，但娶心抱呢件唔太似主人家人份啦，所以佢唯有揀比呀姨著啦，因為太陽哥哥個呀姨一家會專程係柬埔寨返黎飲呀！
以下呢ｄ係被放棄既，呢件原本係第二之選，可惜冇期呀，先揀左上面金色個件做第二選擇囉！
粉紅色呢件唔錯架，淺色得黎影相都好有色望到，可惜個領位太低，太陽媽媽唔係咁鍾意～～
呢件著上個身形都幾好睇丫，其實係淺青色，點知影相後變左白色咁，要放棄～～
呢件好沉色呀，唔太好睇；其實仲有件寶藍成件似黑色多ｄ(太唔靚所以冇影相!!)，著上身成個黑寡婦咁，仲有ｄ似孤兒院ｄ老姑婆院長look添．．．no no no！
到太陽哥哥再認真試下ｄ禮服啦，呢件係confirm既：
其實我唔太鍾意豬腸呔加背心，我覺得好樣衰，我prefer玩下條呔多ｄ，但個sales姐姐竟然叫我唔好玩我老公喎，話我連件背心都唔比佢著，佢會好似侍應
呢度我黎過幾次，一路都覺得唔錯，但今次呢個sales姐姐係第一次serve我，佢竟然咁講野，我覺得好過份，我即刻黑面同冇再聽佢講野，真係比我感覺好差好差呀！我玩我老公？似係您地想我地快ｄ試完，快ｄ收工，先叫我地咁咁咁OK咋喎！我上左黎第三次啦，我唔想再上啦，您估我真係好得閒咩，我想今次confirm晒ｄ野，包括襯埋ｄ背心同呔咁！
而佢地只係比左一set背心同呔太陽哥哥著上身睇下個感覺，然後叫我地淨係揀西裝得架啦，到時fitting時再襯過ｄ背心同呔喎；但我已經好唔鍾意太陽哥哥著緊個件背心，有花架．．．個pattern好leung呀！問佢有冇ｄ淨色背心，佢又唔願拎出黎咁，仲話我淨色會攪到老公唔似新郎哥；咁我話一係除左件背心，佢地又話我連件背心都唔比佢著會好似侍應！
又係件馬褂，點架，著唔著好呢？太陽哥哥仲係掙扎緊．．．所以第二件，同時 hold 左馬褂同銀色西裝；其實我梗係想佢著馬褂啦，襯我著褂丫麻，但朋友們見到張相多數都會係度笑，笑．．．其實係太陽哥哥著得得意攪笑，定係樣衰呢？講真，樣衰就真係唔好啦，我唔會咁衰要佢著樣衰既衫係身上架，大日子黎架麻！只係我同太陽媽媽都覺得幾攪笑，唔係樣衰，先叫佢著啦；同埋其實太陽哥哥每次著上身，都好鬼興奮好開心喎，ｄ笑容同西裝ｄ相唔同架！咁其實，佢自己問心係咪都鍾意呢？
其實呢件銀色西裝我唔覺得靚，可惜呢度ｄ男禮服真係好少款同款式真係差ｄ．．．揀銀色係因為 太陽哥哥已有件黑色，in case 佢決定唔著馬褂，第二件西裝一係白一係銀架啦，而佢好抗拒白色，一件試都冇試過，呢件係唯一選擇．．．其實講真，呢件麻麻地，先同馬褂一樣，揀唔落手同決定唔到啫，係靚既話，就即係扑到鎚啦，睇黎要試真諗諗啦！
呢套係女司儀CW前幾日自己上黎揀既裙～～
我見呢條裙好靚呀，就影埋佢相，嘻嘻～～
攪掂九點幾啦，我地去左APM食味千拉麵，因為太陽哥哥近期迷戀上新出的山形粟米拉麵呀！
小食有餃子蝦＋芝士年糕餅：
我的九州拉麵：
太陽媽媽的蒜片豬軟骨拉麵：
沒有留言:
張貼留言