好熱呀好熱呀！咁熱既天氣，仲要由旺角行去太子金都，再由金都行返返旺角，死得～～
其實原本今日行程係：旺角拎戒指＋金都睇過大禮既野，點知太陽媽媽臨時問我地一唔一齊食飯，咁我地咪行返返旺角囉，真係熱到爆！
經過呢間貢茶，好多人買，我又八怪望下，原來只係$12，就有咁大杯珍珠奶茶呀！
真係好大杯，仲好好味，因為ｄ珍珠好林架，好正好抵飲呀！
太陽媽媽揀左上海坊食晚飯，我熱到紮晒辮咁樣衰，都係費事出鏡喇～～
登、登、登、登！呢對就係我同太陽哥哥既婚戒喇！冇咩款架咋，只係簡單款加粒石咁，睇個圈應該都睇得出，左邊個圈細ｄ係我既，而右邊就係太陽哥哥既！雖然我個圈細ｄ，但我粒石大過太陽哥哥足足一倍架，有四分一卡呢，嘻嘻～～ 所以價錢都比太陽哥哥個隻貴ｄ呢！
其實當時呢個款有兩對架，一對細粒ｄ石平ｄ，一對大粒ｄ石貴ｄ；但女仔細個粒石真係好唔起眼，所以我要左大粒石個隻；但到太陽哥哥戴起，大個粒石似乎對於一個男人黎講有ｄ誇，佢唔鐘意咁閃，所以最後我地就交叉咁買，即係我要大粒石既女仔，太陽哥哥要細粒石既男仔，就係咁湊成一對！
婚戒既石一向細細粒，不過呢批貨竟然係一對對的八箭八心系列，細細粒都做到八箭八心，而我個粒仲係grade E colour 添，聽落好high咁，就係咁打動左我地喇！雖然唔係卡卡聲咁大粒，係就真係堅爆，不過心理上己好滿意了！哈哈～～
戒指入面刻左我地個名同結婚日期；我地已約法三章，如果第時唔見左隻結婚戒指，要買過粒大過宜家個粒既，再唔見就再大粒ｄ，一於學馬仔同小圓山咁！嘻嘻～～
沒有留言:
張貼留言