今日係同太陽哥哥的三週年紀念呀!!
我地去左C'est bon!食，之前因為覺得呢間餐廳都幾貴，所以一路都冇試過，今次去食，主要係比呢個餐吸引：
餐廳外的佈置，好悠雅咁喎～～
餐廳內的環境，出面靜 ink ink，仲以為冇人黎食，點知入到黎係咁多人！
水晶燈好靚呀～～
檯上的碟子裝飾，隻隻都唔同色架，幾特別～～
法國燭光晚餐，窗外的月光很大很圓呢！浪漫～～
先上一籃麵包，熱烘烘的，外脆內軟，兩個人竟然食晒！
聽聞食法國餐，每道菜之間都上得好慢，今日呢度仲係超慢．．．等到我地都好肚餓呢！等左成十五分鐘，終於上期待而久、今晚最想食既seafood platter(海鮮拼盤)：
一上就"嘩"一聲，因為真係好大好大盤，跟足相片一樣，貨真價實，睇見已經流晒口水！
足足有兩個人頭咁大，盛著的有一隻大龍蝦、六隻青口、六隻螺、六隻生蠔、六隻蝦、四隻大蜆、兩隻帶子、一隻鮑魚！
一張好唔滿意的合照．．．影唔晒ｄ食物，應該高ｄ咁影麻！唉～～
隻鮑魚其實係我地食到中間先發現，都幾大隻，算係咁了！
隻大龍蝦好大隻架，好滋味～～
seafood platter雖然係頭盤，但食左成半個幾鐘先KO晒，食到飽飽地．．．但成個餐只係剛開始～～
跟住上湯，太陽哥哥的干邑龍蝦湯：
我好鐘意食黑松露，所以揀左黑松露野菌湯：
到main courser啦，太陽哥哥的紐西蘭西冷扒(加$50 upgrade的)：
我繼續黑松露，揀左黑松露菌牛肝菌意大利香蒜扁麵：
已經飽到上心口喇，最後送上自選甜品及飲料：
太陽哥哥的tiramisu：
我的軟心朱古力蛋糕配雲呢拿雪糕：
個軟心朱古力蛋糕真係勁好味呀！
埋單$685，原來加一佢用返原價。抵唔抵食？見仁見智，有朋友話呢個價錢食到buffet dinner，的確係既，仲可以重覆食好多樣海鮮添！我估呢度比起自助餐的優勝地方，應該係環境同質素吧；飽就其實一樣都食得好飽既，不過間唔中浪漫一下，又好冧好sweet既！嘻嘻～～
飯後去睇沖天救兵：
未見過呢款3D眼鏡，影張相先！呢套戲我覺得都幾好睇呀，顏色豐富，劇情又緊張刺激！但黎耀祥配音唔係好出，都唔係主角既．．．許冠文把聲搶晒！不過冇計，鬼叫個伯伯係主角咩！
靚靚劇照：
我買了一張幾cutie既咭送比太陽哥哥，入面隻dale拎住支綠色大支鉛筆，勁似太陽哥哥影婚紗相時個沙灘 look，激似度達99%！哈哈～～
 |
禮物方面，太陽哥哥會送我一部電話，但我暫時冇咩idea，只係個電話開始short short地，係時候要換，其實我真係冇咩心水，唯一最想有手寫筆囉，不過我真係未有時間去揀，拖住先啦，嘻嘻～～ 至於太陽哥哥，佢話想要個背囊喎，我想揀個agnes b比佢架，但佢又唔要喎．．．咁又係拖住先啦，哈哈！
以為佢咁忙無咭比我，點知．．．真係一ｄ都睇唔到，係打開機蓋時摸到有野跣手先知！張咭好有神秘style，呢種style第一次收呢！
最有意義梗係豎起三隻手指隻公仔啦～～
沒有留言:
張貼留言