2008年5月25日 星期日

2008-05-25 (Sun) 第25次捐血



今日終於去左捐血啦!點解"終於"?因為其實五月第二個禮拜夠期捐架啦,但又忙住為泰國之旅做準備,再加上最重要係...我唔見左張捐血咭!其實唔見張捐血咭都可以捐既,因為已經電腦化;但問題係我已經捐左廿幾次,每次去捐都會寫一次新既紀錄,好似儲印仔咁,要我放棄,我十萬個唔願意呀!


尚算整齊的我,搵勻全屋都搵唔到,冇理由架麻;叫埋太陽哥哥搵下佢屋企,又無...無計,去左泰國先啦!前兩天,係太陽哥哥屋企,醒起呢件事,我就自己動手摷下佢檯頭,竟然不消兩分鐘,係佢個舊咭片套度搵到!激死我啦!正大頭蝦!


好開心今日去捐第廿五次血啦!原來捐夠逢廿五及它的倍數,可以上台領獎架,係紅十字會一年一度的頒獎典禮!但姑娘話今年已截左,要等下年,期待+ing!照咁計,我應該可同ben一齊上台領獎呢!yeah!期盼+ing~~



今日太陽哥哥好曳呀,拎張毯蓋住個頭,係度撩姑娘...話自己certified喎!哈哈!



我就乖乖等血出,好快攪掂!




太陽哥哥真係...超坐唔定,仲係度踢腿!




仲扮cute?


扮cute丫啦...有位姑娘係入面見狀,就大叫:喂,先生,您冇事丫麻,仲咩舉高隻腳呀?


嚇到太陽哥哥即刻乖返...笑死我!哈哈!




今次好慘,血液澎湃,唔知係咪前排流到成床鼻血後遺症呢?平時呢,打麻醉針同插捐血針係同一個窿架麻,今日一打完麻醉針,個針窿位就即刻標好多血,姑娘話唔用得同一個窿入捐血針,所以...被"吉"左兩針,慘!


估下邊隻手係我地?





沒有留言:

張貼留言