今日要準備起程啦，我同太陽哥哥聽日會去曼谷四天旅行，同佢過生日呀！
唔好意思，我冇同任何朋友仔講過，因為兩個大原因：第一係我地想靜靜地過二人世界，之前每次去旅行前同朋友同事講左，我都會好大壓力，去到外地時往往掛住買手信仲多過買自己野，又要諗買左比邊個，邊個未買等等．．．今次我地純粹想要係外地過生日呢個意義，到時想去邊就去邊，好隨意，唔想心掛掛，唔想受束縛，所以沒向外公佈！
第二就係呢個trip決定得好倉促，係上個禮拜日先confirm，我地連買野既時間都係得禮拜一佛誕假期，真係好急！因為其實呢個trip的機票同酒店都係免費架，酒店用太陽哥哥上年買的buffet club coupon，機票我就用asia miles換既，換言之，我地只係比taxes就出得發啦！因為我地積極儲緊錢，其實都冇諗住去旅行，但既然酒店同機票都免費，加上太陽哥哥三十年來都未試過正日生日係外地過，我好想好想幫佢實現呢個願望呀！
其實四月頭我就開始queue機票，點知full左成個月都冇聲氣，連confirm的deadline過埋都唔放位比我，我諗梗係免費的原因啦，所以都打定輸數，亦好唔開心；點知上星期日手痕上網check，cathay竟然放左幾個位出黎，相信賣剩先放出黎啦，衰到死，我地就即刻出飛喇！
話明過生日，我梗係要帶齊所有野過去架麻，但鬼咁急，真係好趕，星期二又要返part time，星期三要返屋企食飯，星期四約左同事飯聚．．．好在．．．我係五月頭一早已睇中兼買左個鎖匙包，已經有一份禮物了！
生日咭我一早諗住親手整，不過我勞作好雞架咋，所以都係以簡單同 low b為主，就返我個 level，哈哈！我就利用星期三晚係屋企既時間，完成左呢個小project！
仲欠份主要禮物，知道太陽哥哥應該想要手錶的，就鎖定手錶為目標；尋日專登拎左兩個鐘time off早ｄ放工，係同事飯聚前去揀，唔係我真係冇時間啦！本身想買隻白色G Shock架，因為太陽哥哥隻心愛黑色G Shock爛左少少；周圍睇中後，去左相熟舖頭睇，點知一拎落黎，看似白色的錶帶原來係灰白色，好似用舊左的感覺，好失望同方寸大亂添，因為白色錶實在太少選擇．．．
sales哥哥就介紹呢款odm白色錶比我，呢個款係最新，上年聖誕出既，新功能係自己入咩字都得架！嘩，我好buy呢個idea，因為我可將想要既字"刻"上去，咁就變得好有紀念價值啦！
"刻"字要用舖頭專用的入字機架，一輪左度右度、加完又加、大細階改完又改、space位對完又對後．．．sales哥哥話未試有客入咁多個字，講笑話要每個字收我五蚊喎！不過佢好好人，同我攪左成粒鐘，可能佢認得我啦，我成日都幫佢買錶架，鬼咩，我連佢同佢個friend個名都記得喎！
最終完成品如下，當中有我同太陽哥哥個名啦，最重要係我將佢今年生日日期刻埋上去，代表住：我地係泰國過佢今年既生日時，我送左呢份禮物比佢呢個咁有紀念價值的日子！
一切準備就緒，其他既，要留返去到當地隨機應變啦，大家要祝我一切順利呀！
沒有留言:
張貼留言