2008年5月23日 星期五

2008-05-23 (Fri) Family Buffet @ Kowloon Hotel

 

之前改左咁多次,今日終於約到一家人食自助餐啦!我地有四張coupon,六個人只係比兩位價錢;本身九龍酒店剛新裝修,有八折優惠,但又唔可同其他優惠使用,我地唔想冇左discount,因為都要五百蚊位再加一,幾甘架;就決定分開訂檯,諗住去到扮撞到識得先一齊坐!原本我同太陽哥哥係二人booking,點知琪琪遲到,令我地角色大調轉,我地四個好準時就到,琪琪到後就坐係二人檯度等太陽哥哥,佢地就變左係情侶角色啦,哈哈!最後我地成功坐左六人檯而兩位都用到discount;為免太明顯,太陽哥哥成日玩琪琪叫佢做女朋友,哈哈!琪琪就叫爸爸做uncle,話題仲講到:我爸爸過幾日返泰國喎,您有冇野想買呀uncle?爸爸明明係面前,真係笑話百出,好好玩!


講返自助餐先,我一黎到媽咪同威哥已經食緊啦,睇下睇下,條長腳蟹幾長!!!我同太陽哥哥鍾意食九酒buffet其一大原因就係有長腳蟹,which is香格里拉係冇既!但今日d長腳蟹竟然咁大隻,真係好掂,睇媽咪食到幾滋味,哈哈!





 


今次係我第三次黎九酒食buffet啦,以前呢度三百幾蚊位,算中價,我覺得呢個價錢好值,因為d野食好岩我同太陽哥哥口味;但裝修後要五百蚊位,真係要好值得先黎食囉,裝修完大左好多,拎野既地方多左一條走廊,d走廊仲好長呢!




 


先睇海鮮先,嘩...生蠔都有兩種,但我覺得有腥味,四食左每款兩隻咋;值得一提係個蜆,真係超大隻同超正!








 


甜品區係我第二最愛,好多款甜品,成座山咁擺係度任您選擇!







 


其他食物...仲有熱食我冇影,仲有炒意粉都好得,但呢d飽胃野梗唔可食咁多啦!





 

睇我個魚湯煮蜆幾正,真係超勁大粒架!




 


連魚翅都有~~



媽咪早食完,我地食到一半時佢已經開始食甜品,佢係咁拎係咁拎,話要試晒邊種好食,但每樣只食一啖,跟住就比晒威哥食,哈哈!我地食完後就只需聽媽咪講邊款好食就拎,太好了!根據個人口味,我最鍾意甜品三甲有:芒果糯米滋(個皮照煙韌!!),芒果拿破崙,朱古力puzzle(其實唔知叫咩名,但入面軟林林既野好好味!!),我每款都食左兩三客!



 


睇下邊個黎左...泰國之旅後,因為我個喼大d,codebar跟左我返屋企;今日就返去太陽哥哥個度!一場黎到,咁梗係要出黎叉下野食啦,哈哈!



仲幫爸爸霸位個位添,叻仔!



 


飯後一家人影下相先~~








 


之後又到發癲時間啦,我同琪琪拎左用黎剪長腳蟹既較剪當道具影相!



插死您啦!殺死您啦!




同我吞左把較剪去!但角度差好遠喎...邊個楂機呀,唔比指示既...




越玩越癲,叉住您條脷,剪斷您條脷先!死未?



呢part真係玩得好癲好大聲,仲比爸爸話:喂!酒店黎架,咁嘈!嘻嘻~~




 


食完後我同太陽哥哥落旺角睇"奪寶奇兵",難得第一次係香港帶codebar去街街,影相留念先!





codebar:爸爸媽媽帶埋我去睇戲,yeah!(睇codebar識笑架!)






 


沒有留言:

張貼留言