2010年4月30日 星期五

2010-04-30 (Fri) 同諾諾飲茶+Stanley Outing.Dinner@金曼谷


live_line0522 (26).gif


早於兩星期前,表姐話諾諾學校攪Outing活動,去位於上水既「假日農莊」(http://www.hkhfarm.com/),內容非常豐富架,有:農耕體驗埸、翻土、灌溉、打水、人力車、腳踏水車、親親黃牛可餵養、磨豆及舂米、餵飼小動物、小吊籃、玩沙樂、優閒吊床樂、自製創意焗麵包、稻草人扎作、釣魚、自製拉麵、聰明車、自轉棉花糖等等...因為表姐宜家個肚好大呀,加上好易攰,唔能夠陪住諾諾玩成日呢d咁勞動既活動,就叫左我幫手做諾諾的 helper;我見到咁多野玩都覺得好正,所以都請定假陪諾諾玩!


點知,諾諾上個weekend開始病,仲發高燒,燒完又停,停完又燒...禮拜中已擔心再唔好返,今日實去唔到玩啦!點知呢幾日又天陰又落雨,係尋日,諾諾學校出左通告,因為天雨關係,取消唔去假日農莊啦,改去天水圍的濕地公園...


濕地公園真係麻麻地囉,加上諾諾都未係完全好返,所以同表姐講定今朝再決定去唔去...大約六點幾,表姐夫發左短訊比我,話諾諾仲係咳得好犀利,唔去啦...我本身諗住咁不如返工啦,但尋晚同太陽哥哥食宵夜好夜先訓,加埋請左假既holiday mood,今朝真係唔願起身呀,所以繼續訓...到九點,表姐打比我,原來佢見唔到我online,估我係咪仲訓緊等佢通知,哈哈!佢打比我,我話比佢知唔願起身都係繼續放假唔返工啦,而咁岩佢話諾諾又冇咁咳,唔去濕地公園,一係一齊飲茶啦!


就係咁我地係青衣城一齊飲茶,飲完茶諾諾玩左陣食錢車車,睇佢幾開心,有入錢唔同 feel d吧!



live_line0522 (26).gif


諾諾因為病,成個禮拜都冇出過街,佢今朝出黎後,唔知係咪外間draw左佢attention,冇係屋企咳得咁誇咁犀利;表姐就話咁不如我地自己去Outing啦,出去玩下呼吸下新鮮空氣對個病都好,我地就去左赤柱喇!


Yellow 諾諾 VS Yellow Mini Cooper:



揀赤柱係因為有藍天+白雲+沙灘,可以同諾諾玩沙!早前表姐係Bossini仲換左個帳篷,大派用場,我地將隨身物品放晒係入面,勁有用呀!



live_line0522 (26).gif


諾諾既玩沙裝備,係麵包超人系列呀!



跟住我負責睇住諾諾,表姐就訓覺休息!



live_line0522 (26).gif


諾諾原來鐘意咁樣玩沙架,玩到成身都係;佢仲要"楂"d沙係我手同撥d沙落我度添架!



live_line0522 (26).gif


跟住諾諾想潑d沙落訓緊覺既表姐度,可能想媽媽同佢一齊玩啦,我當然阻止啦,唯有用其他野引開佢注意力,就係帶佢...行沙灘喇!行行下都想帶諾諾踩水架,沿住水邊咁行應該好浪漫麻,哈哈!不過我最後都唔敢,所以冇落到咁低!



我地就係沙灘周圍行,同踩上d小沙山度!



live_line0522 (26).gif


跟住諾諾發現沙上有車軚行過的痕跡,佢就好好奇咁跟住行!



live_line0522 (26).gif


我地玩到夜晚六點就走~~今日赤柱的戰利品,係兩件我超級鐘意的初生size BB衫!勁鐘意藍色個件,後面好似有翼的天使仔咁!



live_line0522 (26).gif


今晚約左太陽爸媽食晚飯,因為太陽哥哥未放工,我就係姑媽屋企hea...等到成九點半先有得食,我地去左大圍既"金曼谷",我鐘意的泰國菜!



太陽爸媽星期日就出發去澳洲探親,為期13日,真係羨慕死人;我都想去旅行呀,但要儲多d錢先得!



live_line0522 (26).gif


沒有留言:

張貼留言