2010年4月24日 星期六

2010-04-24 (Sat) 歲月神偷.外賣KFC


 

近排都少左時間睇戲,有機會睇都揀睇新片;今日咁岩又得閒又無咩新片岩,睇左新上畫已經想睇但一路未有機會睇既『歲月神偷』!


 



 

『歲月神偷』真的唔錯,有笑有淚;掛風球個場戲睇到我心驚膽顫,仲以為任達華會跌落街,好驚好驚...北京醫病,大佬教細佬踩牆學跨欄,個種血脈之情好入心...好嚮往以前既人食飯係圍埋一齊咁開心,大家一路食飯一路傾計嘻嘻哈哈,好羨慕呀!相反呢個科技年代,人與人之間的疏離,同戲入面真係一個強烈對比!宜家d人係一路食飯一路睇電視,一係就飯後怱怱回房上網等等,唔花時間溝通,交流...唉~

 

唔知點解,之前總覺得月滿軒尼斯』同『歲月神偷』既風味係差唔多;但相比起月滿軒尼斯,歲月神偷真係好睇好多倍,慶幸能係落畫前睇到呢套好戲!

 

Yahoo! 電影
 
Yahoo! 電影

 

 

睇完戲太陽哥哥話想返屋企食芝士公仔麵,點知返到屋企見到外賣KFC,花心既佢又改變主意,最後我地就食KFC做晚餐喇,好耐無食KFC,所以覺得好好味呀!

 


 

 

沒有留言:

張貼留言