2010-04-08 (Thu) Mochi Sweets．自製海蜇

 

 

食過一次同事請的Mochi Sweets後，一直念念不忘；聽人講好似得APM同朗豪坊有，個日去開旺角就過朗豪坊諗住買啦，點知搵唔到；原來朗豪坊冇架，只得APM同將軍澳有．．．見細妹係觀塘返工，早兩日問佢有冇係APM見過呢間野，佢話好似有．．．

點知今晚返到屋企就見到．．．，咩都唔洗講啦，冧爆！

 

 

細妹知我會寫blog，買時好醒目咁影埋鋪頭相比我，so good！

 

 

Mochi Sweets同Mochi Cream應該同一集團，Mochi Cream係銅鑼灣Sogo有，早排同太陽哥哥赤柱遊個日試過啦，唔．．．雪到好似雪糕咁，紅豆蓉又多．．．我唔覺得好味！

Mochi Sweets我就好鐘意，軟林林又煙韌，正！有好多味道揀架：

細妹買左六款味道，有乳酪芒果慕思、紫芋、粟子、朱古力、焦糖咖啡、士多啤梨；我覺得乳酪芒果慕思同朱古力最正，下次有機會想試埋朱古力慕思、蜜桃、檸檬蜂蜜、藍莓！

 

 

另外，媽咪今日整左海蜇，自家製架！

媽咪其實已經訓左架啦，不過見我返黎就起身撈調味我食，好爽好好味呀！佢仲話下次試下買海蜇頭，再整比我地食喎！

今晚返完PT返到屋企勁多口福囉，仲嚴重感受到好強烈既家庭溫暖，簡直係幸福滿瀉呀，what a wonderful life！