萬眾期待既五天清明復活節假期聽日開始啦，相信今日返工既朋友仔實全日勁 holiday mood，未放工個心已飛左去放假啦！
本應今晚太陽哥哥一眾同事一個月前己約好今晚黎探訪我地屋企兼玩通宵架，我仲因為咁樣調左返PT，全日都相安無事，之前仲擔心太陽哥哥呢排咁忙，有冇可能唔洗OT，點知到就快七點時，係我返緊屋企途中，太陽哥哥打比我話要．．．取消呀！唔係因為佢要OT，而係另外有兩三位同事未走到．．．就係咁，我地改左二人世界，有點失望呢！
聚會取消都要食飯架，咁太陽哥哥就提議出葵芳食飯睇戲；揀左好耐，最後我想食意粉，就去左Euro Go Go！
白汁有煙肉個意粉幾好味，不過另一款香草海鮮個意粉就麻麻地；焗薯皮幾好味；至於個露筍湯，直情要用"難飲"黎形容．．．之前食Euro Go Go都冇今次咁差架．．．
睇戲我想睇馴龍記架，不過今日最後一場係六點，於是揀左新片兼口啤好似好勁既月滿軒尼斯！
不過恕我唔識欣賞，我覺得套戲好悶呀！唉．．．呢排太陽哥哥公司好忙，我地少左好多時間睇戲，之前想睇全城熱戀熱辣辣、歲月神偷、複雜關係、不赦島、屍中罪等等都miss晒，諗住今日有機會睇戲，梗係揀新片睇啦，無理由揀舊片架麻，點知就．．．衰左！
沒有留言:
張貼留言