2008-03-10 (Mon) Dinner with Ben

今日四點幾媽咪係澳門返到香港時打比我，問威哥同我講左佢同朋友食埋晚飯先返未？梗係未啦．．．．媽咪唔煮飯，臨急臨忙，搵左ben陪我食飯！yeah~~

ben知約左我，竟然好準時放工，等我仲慢條斯理，因為預左佢例遲麻，點知佢仲早到過我，話約左我點敢遲，唔驚我唱佢十年咩咁話，哈哈，又真係架喎！

我地去左大家都鍾意既譚仔記食米線，呢間米線咪多年前佢介紹我食架囉，一食就上左癮咁多年！佢亦第一次食旺角分店，同佢好耐冇食飯，講左好多心事呢！由於環境太嘈，食完後我地再去仙跡岩飲珍珠奶茶！

睇下表情多多的我倆！