2008年3月2日 星期日

2008-03-02 (Sun) 免費海洋公園門票 & "P.S. I Love You"


緊急通知!!!


免 費 海 洋 公 園 入 場 券
日 期 : 2008 年 3 月 2 日 至 9 日 下 午 一 時 至 晚 上 十 時
地 點 : 屯 門 巿 廣 場 1 樓 服 務 台
內 容 : 毋 須 消 費 , 只 要 身 份 證 英 文 名 有 六 個 字 母 與 tmtplaza 相 同 , 可 獲 贈 海 洋 公 園 入 場 券 兩 張
查詢:可打去屯門市廣場24507782


以上消息珍珠都冇咁真,不過中到既人又有幾多?其實係didi星期五晚話我知既,tmtplaza中六個字母...我估個名要有林、劉、達、子、文、敏等字先會易中d!


太陽哥哥姓林喎,lam tsz yeung sunny...嘩嘩嘩,中...哎呀,五個咋...激死!咪住先,太陽哥哥的哥哥...lam tsz man...嘩,中六個呀!!尋日即刻打去問係咪堅料先,真係架!所以今日計劃問太陽哥哥的哥哥借張身份證入屯門換先!


去到見到太陽哥哥的哥哥,佢又好開心咁對住我笑啦,哈哈!見佢架車整返好,咁就唔爭在用埋佢架車啦,好過"銀"巴士山長水遠入屯門麻!


沿途風景好靚,加上今日天氣好好,太陽哥哥好耐冇楂車車我啦,所以好開心呢!亦發現太陽哥哥的哥哥架車入面有隻7仔呀!不過佢全程啤住我囉,哈哈!




去到屯門市廣場,頂,呢個服務台...難搵到丫!最終要打電話去查詢熱線帶住我行先搵到!比我預期少人好多呀,可能真係好難中,加上要入屯門,無咩人似我咁貪心掛,嘻嘻~~



服務台的通告,咁證明係真消息啦,大家快d叫晒d朋友仔check check自己個名啦!只得一千張門票,先到先得架!



我借左我幅粗框眼鏡比太陽哥哥戴住,造型非常似,當然成勁順利過關,以下就係戰利品啦,yeah!




橫掂都要泊車一小時,攪掂後我地就行下呢個廣場,發覺呢度間UA好靚好cyber feel 呀!



回程啦,我地好趕,因為想睇旺角三點八個場"P.S. I Love You"!



呢套戲係情人節上映,宜家得返好少場次咋,所以今日見夾到時間,真係要衝去睇!




導演:李察拿加雲尼斯

主演:希拉莉詩韻,謝拉畢查,麗莎古杜,夏利高歷,珍娜姬遜,謝菲甸摩根,嘉菲比絲

片種:劇情

日期:2008-02-14


荷莉甘迺迪 (希拉莉詩韻飾) 是一位美麗時髦的時代女性,與謝利甘迺迪﹝謝拉畢查飾﹞結了婚,謝利是一位有趣但又性急魯莽的愛爾蘭人,他們互相了解,熟悉對方的一切。兩人生活原本幸福美滿,羨煞旁人,但天意弄人,謝利不幸得了腦腫瘤去世,留下荷莉一個人,獨自面對未來。

謝利的離世幾乎令荷莉崩潰,可以令荷莉再站起來的相信只有最了解她的
丈夫,幸好謝利在離世前已作好安排,他了解荷莉會因他的離世而沮喪,所以事先預備了12封信,伴她度過頭12個月沒有他的日子。

第一封信在荷莉30歲的生日送到,並附上生日蛋糕及謝利的錄音帶,囑咐她要出外和朋友慶祝生日。之後她陸陸續續收到謝利以不同方式留給她的信,每一次她都有一個新的體驗,有新的得著,並重新認識自己;每一封信,謝利都以一句 “P.S. I love you” 作結尾,讓荷莉仍然感受到他對她的愛。

荷莉的母親卻擔心這樣反而會令她對謝利更加留戀,更加依賴,但事實是每一封信都引導荷莉向前看,讓她對婚姻、友誼有新的看法,知道濃烈的愛可以轉化成為動力,讓她走出陰霾,在自己的人生旅途上重新出發。


套戲好正好正好正...好感動好窩心,估唔到幫男主角做信差個個...原來一直就係最唔鐘意佢既外母...最後就係咁連外母都不得不佩服佢!


每一封信,男主角都以一句 “P.S. I love you”結尾,而最後個封信,係“P.S. I always love you”!我諗冇一個人睇左會唔感動,成場戲戲院都充滿左拆紙巾聲,但並唔係哭哭啼啼個種悲情感覺,而係淚中有感動同勵志既感覺!


大家真係要去睇呀!




睇完戲後就去左至愛譚仔米線食飯!




沒有留言:

張貼留言