一年一度的中大開放日今日舉行，以前係我跟既project黎既，今年轉左．．．感覺一身輕！眼見做的同事都好辛苦，發覺原來以前自己都幾叻，哈哈！咁宜家呢？好似越來越懶了，有ｄ擔心！以前，最大壓力係九／十月的開放日，同三月的頒獎典禮，真係可以講一腳踢，無咩人幫到您，宜家兩個大function都唔洗做，是好定係是壞呢？令到我個人冇咩挑戰同好lazy咁！
講返今日，我好準時返到，點知早左成十五分鐘，第一個到，清爽的清晨，環顧四周，諗返好多野添！
今日作病，本身又唔夠訓啦，多謝michele擔心我做完手術的腳，安排左一個輕鬆岡位比我，唔洗企咁耐仲成日有冷氣嘆！但好悶呀，又冇動力！下午突然見到elsa同yammy！真鬼馬！令我開心晒，有晒寄託，但可能唔係咁舒服，心情又唔好，個驚喜樣唔係咁表露到！係度要同您地講返，您地的驚喜，我收到晒，真係好開心，好感動！全部再乘一百倍呀！不過都有令我感慨的時刻，就係如果我地仲一齊做野，每日都見到，有心事一矻起身就同到您地分享到，您話幾好呢．．．
跟住一齊去百萬大道探esther同phoebe，影相~~
之後返上大本營，老闆們見到ｄ舊同事，都一齊傾下偈，大家又係度休息下；到六點，麥生車我地去火車站，我地仲去接埋esther同phoebe放工添！
由於太攰，esther仲話我面青青，睇返ｄ相又好似真係喎，冇咩精神咁；放工後就急急回太陽哥哥家食飯，太陽媽媽煲鮑魚粥呀！仲有"ｃ蛤"，細妹，您仲咩唔係度架？我一入門口，太陽爸爸就問我有冇叫琪琪黎！成家都知您鐘意食海鮮喇！
沒有留言:
張貼留言