2007-09-21 (Fri) 早來的"中秋節快樂"

呢三款月餅暫時係屋企的三寶：半島酒店的奶黃月餅(我既至愛)、九龍酒店的奶黃月餅、美心冰皮月餅，以我所知，應該仲有盒大班冰皮月餅！經過十多年的品嚐，屋企已經無人愛食普通月餅了，近兩年都愛上奶黃月餅，一來無咁油淋淋，二來我好愛食奶黃，包括奶黃飽流沙飽！普通月餅通常用來送禮！而細妹又最愛冰皮月餅，所以屋企只會留起奶黃月餅同冰皮月餅！

兩款的奶黃月餅我已品嚐，未開的冰皮還未試食，睇黎要等中秋過後了，因為明天將會飛往台灣渡中秋，加上補祝跟太陽哥哥的一週年紀念！現在心情非常興奮！係度，提早同各位好朋友講句：

中秋節快樂！呢個咁開心的日子，希望大家都能團團圓圓！

我一路都覺得，幸福既人先會一齊看到月圓架！

好好享受呢個假期啦，返黎見~~