2007-09-06 (Thu) 戰利品到手

上星期日的綱誌曾提過我地去左IT、izzue、chocoolate、b+ab掃貨，戰利品今天到手，同大家分享下：

除左波鞋八折外，所以貨品均係七折，不過呢件貓貓衫就是原價發售，因為沙田的b+ab沒有呢件，但費事再麻煩朋友，就自掏腰包係買了，仲係太陽哥哥偷偷去旺角買比我呢！

真係好抵呀，其他單就沒有了，呢度咁多樣野共買左二千多元，少少肉痛啦；不過講真，唔係有折真係唔會買，尤其是我條裙呀，原價要$599！不過最開心係又跟太陽哥哥有一對情侶鞋，還有件同款的外套，只係一件純黑一件波點，嘻嘻！

呢條裙大家覺得點呢？做姊妹裙可以嗎？太陽哥哥話我著得靚先捨得買架．．．還是著返新換的那條花花裙呢？黑色sexy啲，撇開黑色怕太沉色，其實都ok grand啦；花花就sharp啲，但好似casual左少少．．．不過我唔想再花錢買啦，加上時日無多，都係呢兩條二揀一架啦！