2007年7月15日 星期日

2007-07-15 (Sun) 終於買到了!

終於買到了...唔知點解,除左條波鞋街外,APM的converse專門店,葵芳新都會都運動家同馬拉松,都斷晒碼!今次買到,係太陽哥哥星期五放工後去APM幫我搵的,佢靈機一觸,諗起izzue都有賣converse,點知入到去都冇,但sales幫佢check左全線izzue得返海港城有我size,但佢地好忙,要夜d先打去留,所以太陽哥哥自己打1083問海港城izzue電話自己留,好抵錫,終於完成心願了!


所以我今日就陪佢去玩wakeboard,尋晚碌完齡成三四點先訓,今朝六點半就要出門口,因為好爆,只得0745-0945呢個時段...救命!太陽哥哥同佢兩個朋友一齊玩,我就負責影相,我都有落水浸下身同游左陣,但驚鯊魚,都冇浸太耐,旨在係今年都算游過下水咁,就當下水禮啦!哈哈!

佢朋友真係好勁,係d浪度過黎過去,仲玩埋跳浪!佢d朋友真係好運動型,又識潛水,又識楂電單車架!型!我狂幫佢地影相,由於狂影,出黎當中實有幾張影得唔錯,呢招我一向用於移動物件,好似BB咁;今次滑水,當然都照辦煮碗啦,大家覺得佢英姿如何呢?






跌低呢張笑爆咀呢!哈哈哈哈!!

笑得咁燦爛,玩得好開心噃!




可能一大早,天氣幾好,唔太晒,又少人,海面好平靜!

對著碼頭有個好得意既紙船建設,好得意呀!我仲想扒上去影相呢!哈哈!

之後去左佢朋友新居度參觀,係將軍澳的,佢地養隻"毛毛"好得意,好細隻的狗仔,我較為鐘意細狗,好可愛!之後仲玩左wii,碌齡game我覺得好好玩呀,不過分數仲低分過平時真的碌齡,原來我玩真野勁d,哈哈!打拳game就麻麻,太暴力了!咁好玩,太陽哥哥就話買部比我,做下個月一週年禮物好唔好?但我屋企地方淺窄,玩得似乎唔得放,加上我知我都係新屎坑三日香的人...等我諗吓先啦!哈哈!

不過可能太攰,懶得係佢朋友屋企影相,玩狗仔又冇,玩wii又冇,宜家寫blog就後悔啦,唉...

今晚的晚餐,係MOS Burger新出的pizza味熱狗,仲有大大碗的車仔面!好好味呀!!


沒有留言:

張貼留言