2007-07-10 (Tue) Dinner @ Oliva

今晚約了多月無見的預科同學食飯，係荃灣廣場的OLIVA的意大利餐廳，呢度氣氛同環境好正，我地坐既窗口位仲係一排落地玻璃，每枱還有水晶吊燈，頗浪漫的！

食物樣樣都唔錯，最好味係雞卷，值九十分！青口好鮮味，有我愛的辣味汁；芝士焗波菜三文魚個芝士汁好正，我唔好三文魚都食到；通粉好好味，蝦又大隻；PIZZA好大個好型，但嫌牛肉太靭，最好不要點"五香牛肉"了！

跟各朋友仔的合照，很久不見，食完也可坐著傾到十點鐘，開心！希望我地可以多ｄ見面！

呢班朋友係我覺得頗疏的一班，有時諗落有ｄ歉疚，友誼係要付出經營的，相信只要有心，我地可以好好咁維繫落去！對班長，心中最有一份歉疚感，佢屋企舊年發生一件大事，我都係年頭係MSN先知，所有今次特登買份生日禮物比佢，希望佢可以開開心心，儘管生活艱難，也要繼續堅持落去！