2007年7月9日 星期一

2007-07-07 (Sat) 媽媽的手術...

原訂今朝媽咪做左眼白內障手術,我地一家總動員一早起身,包括太陽哥哥,一早七點半出門口,真係好唔慣,呢個幾月我通常訓到十一二點架麻!

去到醫院,換好晒衫,做埋眼睛測試,見醫生時,醫生同媽咪講,佢今日的視力測試好好,係好好個隻,有機會做完手術後,同宜家差唔多,甚至會差過宜家,吓...我地都O晒咀,即係點呀?

佢就舉例咁講,今日做的測試係九十分,要是唔合格靠做手術做到合格,好易;但要九十分去到一百分,好難;加上手術一定有風險,有意外,值唔值得去做呢?醫生的語氣,比我感覺係唔建議做既...我地問佢,佢就話做唔做,其實係好睇隻眼係咪係日常生活度造成好大影響,呢個係病人自己心中有數;佢話唔同戴眼鏡,唔鐘意個款,度數唔岩,就換過一副,因為呢種手術,每隻眼睛只可做一次,做左就冇得返轉頭...但媽咪話之前咁多次覆診,冇醫生同佢講過佢隻眼咁;醫生就話,媽咪有白內障係事實,之前做過的測試,亦有試好係差的,但唔知點解今日咁好...我focus係醫生個句"只可做一次,做左冇得返轉頭",都叫媽咪咁不如唔好做啦,費事今日做左,過多十年,真係有需要做時又冇得做...所以,跟住我地著返衫,攪返退款,就返青衣城食早餐,好攪笑的一個清早!但走時都十點幾,係醫院又等又攪呢攪路,原來都攪左三個鐘!

換衫準備做手術,一d都唔驚,仲好開心咁喎!果然同大女恩恩豬有一樣的基因,哈哈!



個"L"好攪笑!諗返我五月做手術時,醫生都係我做手術隻腳畫左個大箭咀架!

咁早起身,大家都未訓醒咁...

唔使做手術,好招積咁喎!記得叫姑娘抺返個"L"先出街呀!哈哈!

張poster好得意,唔通有好多病人偷走過先要等登整張咁既poster?

太陽哥哥件衫好靚喎,邊個咁有taste買比您架?

晏晝係屋企無聊,太陽哥哥幫我"賓"辮,一路"賓"我都唔係幾feel到頭髮被扯的感覺,少少都冇,原來...佢"賓"咁細條,哈哈!

等我示範點係真正的"賓"辮啦,年幾兩年"賓"過,今日一顯身手,算係咁啦!

太陽哥哥未經我同意,擅自係我既物件上面畫公仔,畫花左我d野,好大胆!不過...見畫得咁靚,就放您一馬唔罸您錢啦!哈哈!但要罰您畫個BB,佢話唔識,勉為其難就...我個人覺得個BB都幾...特別啦...哈哈!


沒有留言:

張貼留言