2011年1月29日 星期六

2011-01-29 (Sat) (下) 占美家做節@長洲金冠大酒樓


目標搭五點四開去長洲的船,四點十離開銅鑼灣宜家,點知條街勁多人,delay晒,超焦急...去到中環站同太陽哥哥開始喪奔,中環站跑到香港站,IFC過天橋,朝碼頭方向跑下休息下又繼續跑!中途太陽哥哥曾話:算啦,搭下一班啦;我話:唔試實要搭下一班,冇信心一定輸!跟住又繼續跑...哈哈!


最後真係趕到,但上到船要即入廁所除左件保暖底衫,超熱呀!坐低後仲好頭痛,即刻訓覺,全程一個鍾訓到不知幾冧!


到達長洲,占美已係碼頭門口大駕歡迎我地,跟住去酒樓,第一次試地道的長洲金冠大酒樓!



占美爸鍾意飲紅酒,我地就帶左支紅酒黎!




飲杯~~祝大家身體健康,事事如意,搵多D!席上仲有占美媽自己預備的雞。




咁多靚餸,我幫佢地影左張開心相!




後上有四斤重的魚,好好好大條呀!我影相時闖口而出同占美講:嘩,仲大過我個胸呀!太陽哥哥用手踭撞我都撞唔切,占美媽反而笑笑口,太陽哥哥講笑話:話唔好意思,佢教而不善!占美媽話:咁先好,唔洗咁拘謹丫麻!占美跟住話:其實我想答佢,冇咩野會細過佢個胸囉!哈哈哈哈~~~~



食完飯輪住抱占美細佬呀忠個B玩!



占美話呢度d點心好正架,又叫左幾個招牌點心比我地試,真係好正呀,拍得出面的美心稻香呢!




飯後慢行去占美家,參觀兼休息;呢度兩年前曾跟太陽哥哥黎拎月餅比占美爸,不過當時只係怱怱來怱怱去,未有機會慢慢坐!占美爸做剪髮既,所以屋企大廳有晒剪髮"架餐",我叫太陽哥哥同占美影設計圖片!




過年靚花:




跟住我幫占美影左張超靚全家幅,BB都對住鏡頭笑,好溫馨,影得好好呀!




影我地同BB,但影埋鏡內的人,張相一共六個人,哈哈!




BB+伯伯,占美仲叫自己做哥哥,哈哈!




跟住我地一齊坐船走,太陽哥哥又同BB玩!




沒有留言:

張貼留言