2011-01-23 (Sun) 讓子彈飛，紅螞蟻晚飯．韓國網頁Gmarket

今日呀仔＋Hazel 約我地睇戲＋食飯，去左APM睇『讓子彈飛』。

『讓子彈飛』雖然有發哥同嘉玲姐坐陣，但可能片種問題，我唔係咁鍾意睇．．．雖然有ｄ笑位都幾好笑，但實在好多口水，勁講野，我唔係幾頂得順；不過開頭幕搶火車真係好勁！

 

今日呀仔帶埋兩位朋友(呀迪＋Tracy)一齊黎，睇完戲我地一齊去左紅螞蟻食飯，因為有新朋友，我怕醜所以冇影相；加上我地全餐飯都好熱烈咁討論"韓國網頁Gmarket"，其實呢個網都係呀仔介紹我地既，佢地成班朋友一齊玩snowboard，玩得好勁架啦；佢地話以前行左好多冤枉路先買到靚既snowboard裝備，後來發現Gmarket，亦係呢個網度訂左幾次野，無論信譽同品質都唔錯喎！

過兩個星期就到我地去滑雪啦，我地都想買返套靚既裝備，話晒玩左snowboard已經兩次啦，我地都好鍾意，如果一年可去到玩兩次，咁花幾千蚊買裝備，都覺得值得投資下既，嘻嘻！黎緊幾日要努力學下點用Gmarket，因為shipment都要一星期左右，時間好趕呀！