2011年1月21日 星期五

2011-01-21 (Fri) Dinner@Royce Cafe.新少林寺優先場

媽咪張白金Sogo信用咭生日月有一餐免費set dinner食,佢唔會去對面海,所以比左我用;三間Sogo cafe我揀左 Cafe Royce,可能鍾意食Royce朱古力吧!



今日去開對面海,就約左太陽哥哥今晚一齊去食,而占美又得閒,就三個一齊去喇!張邀請咭上面寫住"搵多一位朋友,黎前記得訂檯",我以為係一餐免費的二人晚飯,我地三個人,咪再另外叫野食囉,點知原來係...一個人免費only,另外的朋友要叫$150...好在占美係度咋,我地先容易達標!




飯後占美返工,我同太陽哥哥就落旺角,多得太陽哥哥一早買定優先場飛,等我可以提前觀賞下星期先上的『新少林寺』! Cast 有我鍾意的華仔,又有太陽哥哥鍾意的大哥,呢套戲怎能不看呢?



套戲超好睇,一百三十幾分鍾絕無欺場,大製作,大主角,大靚景,推介!不過尾端有點沉重,個個人都犧牲晒...呢套戲亦令我好感受到佛家思想,尤其個種慈悲為懷+導人向善的情操;雖然我信基督教多好多,但佛家思想又的確係好既野,學下個人既心境都平靜好多!華仔係戲入面提過:『一生隨緣,隨緣一生,就自然活得自在!』



沒有留言:

張貼留言