細妹早前話想同小日朗玩下，我見太陽哥哥今晚去飲，就約左表姐今日去佢屋企玩，之前仲講定係佢屋企食埋晚飯先走；約好後發現原來下星期都到諾諾生日，我就決定訂個蛋糕到時一齊食當慶祝！
點知受鮎魚影響，太陽哥哥飲宴改期；姑媽姑丈又係屋企，所以媽咪都去埋表姐度，叔叔又黎喎！咁多人表姐就建議 BBQ，不過都要睇鮎魚頭，點知平安無事仲天朗氣清朗，我地今朝先決定繼續BBQ，而太陽哥哥楂完車都會黎！就係咁，突然整左個 NokNok's Pre-Birthday Celebration 出黎！嘩～～好開心呀！
早上九點同表姐通電話後，計劃晒今日既行程，活動隨即展開，今日既節目係非常非常豐富＋精彩架！先約好十一點係新城市食元氣壽司食 lunch 先！七個人分兩張卡位坐，多得佢地早黎霸定檯咋！
今日先知諾諾好鍾意食元氣，我見佢食左好多野，又烏冬又燉蛋又手卷等等；表姐夫話平時埋單，諾諾都佔一百蚊架，真係勁！
我地每拎完壽司，會叫諾諾幫手放回蓋去迴轉度，等佢覺得自己大個仔好 helpful！
諾諾食完手卷，ｄ紫菜變到．．．表姐夫都會唔浪費咁食左去！
我地六大一細，一共食左五十幾碟呀，好誇張！
之後去行 Toyrus，諾諾明天要參加生日會所以要買禮物！
跟住去左希爾頓中心佳寶，諗住買燒烤食物，點知賣相麻麻，都唔明點解佢咁受歡迎，開左咁多間分店．．．我地決定閃！
返大圍街市凍肉檔買，呢度仲新鮮呢！
買完野食、拎埋蛋糕，我地就返表姐屋企啦！先同諾諾玩，我帶左ｄ磁石換衫公仔比佢，佢覺得好新奇呢，玩得好專心！
玩積木～～
玩到頭都大埋？！哈哈～～
諾諾抱弟弟，小心ｄ喎～～
琪琪買左條超大烏頭，即洗即醃，犀利！
我同表姐就整菇同粟米，一切 ready 就出發去 clubhouse 個邊的 BBQ 場地！
沒有留言:
張貼留言