今日放假半天，返工到十一二點，其實個心已飄左去放假！一夠鐘即閃去沙田，表姐係火車站接我到麗豪酒店，因為我今日介紹佢地去『龍門客淺』食 lunch！
我勁鍾意呢張相，諾諾好合作咁望鏡頭，仲變返ＢＢ樣，好耐冇影到佢呢個ＢＢ樣啦！
姑媽 & 媽咪十二點三就黎到，足足等左我一個鐘，真係唔好意思喇；不過佢地咁多野傾，時間好快過啫！
我地四個大人，其實應該叫三個餐就夠，但諾諾岩食既野似乎得嫩雞煨麵，但呢個我食過唔好食；咁唯有叫多個餐，慢慢食，反正我地大把時間！
表姐宜家出街要時不時整ｄ遊戲比諾諾消閒：
諾諾自從開始學 Phonics 後，已經開始自己拼字讀，我今日見到佢，梗係要親身示範下啦！佢真係好叻仔呀，我覺得好神奇呀，三歲唔夠的小朋友，野都未識完全表達，但諾諾已開始識自己拼讀生字啦，點解可以咁既？我係咁測試諾諾諾，覺得好好玩呢！
抱都冇事唔喊啦，Yeah！
舅婆抱～～
坐係舅婆個大肚dup上，好開心好舒服呀～～
婆婆抱～～
因為姑媽走，我媽咪又走，攪到我又要走，四點半咋．．．臨走時同諾諾影相，我同佢講恩恩走啦，同恩恩影相啦，佢就乖乖望住鏡頭笑，又擺甫士啦，又錫我啦！
先帶媽咪去仁安藥房買野，仁安藥房呢個笑話．．．真係經典
係屋企時CW曾問過我地借百老匯會員咭買今晚戲飛，我同佢研究完後，發現現場買先有折，而佢地又未決定到荃灣定旺角，我出門口前就叫佢地需要就打比我地啦！
點知．．．當我係奧海城站上地鐵大堂時，同一時間，對面線上大堂的扶手電梯，同我同一視線水平，我竟然見到休同CW！嘩，真係拍戲都計得冇咁準呀，仲要係我地唔知佢地最後決定黎奧海城睇戲架，佢地諗住到先打比我地，點知就咁撞見，真係遲多幾秒或者早多幾秒都會miss左大家！感覺有點似開演唱會咁，一升上地面就望到對方咁，哈哈，實在太有緣了！
咁有緣就影相啦，兩個傻男係童眼前扮野～～
無緣無故無特別約定下，反而造就左一餐晚飯！幫佢地買完飛後，就一齊去左別府食飯！
晚飯後大家周圍行陣，到九點半就分道揚鑣，我地睇2140的再單身遊記，佢地睇2150的告白！
再單身遊記好正呀，我個人好喜歡，當然亦因我一向對佢情有獨鍾啦！成套戲都好輕鬆，有笑有淚，茱姐的大笑聲仲係我腦海盤旋！笑有：打碟王失驚無神係茱姐面前除褲啦、婚禮上老公在浪漫柔情下突轉跳勁舞啦、包租婆個少少水話可沖涼啦、早餐食超巨火雞啦、靈修大師的英文see you later VS alligator、長期冇sex突然狂sex的病啦．．．等等！淚有：印度朋友訴說經歷，講到miss左個仔十年的成長、男友同個仔分別啦，一年一個星期真係太短．．．
成套戲140分鐘，去埋意大利、印度、峇里，好抵睇！仲有，意大利ｄ野食真係會睇到吞口水架！意粉、pizza、melon with ham．．．仲係我腦入面呀！
內容就老實講，男仔實無咩感覺，女仔睇就一定好多共鳴，尤甚對感情；我估對一ｄ到了某年紀仍單身的女仔更加，人到咁上下年紀一定有諗過或遇到類似情況；但又唔適合太強或主觀性較高既女仔去睇喎，因為當中會教人放低，何謂真正 balance，有時要放低自己的問題一陣，離開下，之後再用一個清晰ｄ既新思維去面對，或者成件事既睇法會唔同晒，甚至可能有意外收穫；每個人總會遇到迷茫階段，當然啦，去旅遊係人都鍾意，但唔係個個人咁易負擔到，我都冇可能啦，所以對茱姐的遊記只能羨慕罷了！其次，睇完後自己會諗下：人生為咩、Let go、爭取平衡．．．要多點提醒自己呢！
茱姐雖然已上左年紀，但我覺得佢依然明豔照人，好靚呀！
沒有留言:
張貼留言