2010年10月22日 星期五

2010-10-22 (Fri) 海南少爺.鵝頸橋串燒.松記

今日放工去開對面海,原本諗住會八號風球,應該唔可以係街食飯,點知無風球不特止,仲雨都冇滴...一於同太陽哥哥再食『海南少爺』!



第一次光顧時勁多人,要坐出面(招牌後面的檯),今日唔多人,坐到入面啦!



上次試過海南雞飯+喇沙,今次共識係頂多只可一樣重覆,試下其他野麻;最後揀返兜喇沙,另外試了咖啡雞+薄餅,可能尋日 lunch 食完薄餅上左癮!



咖啡雞原來全係雞翼,未食已好想退,因為我唔食雞皮,好唔想食!加上覺得全部都係雞翼好厄錢呀,我以為係斬件雞!呢煲野要$68,太唔合理!



世貿的 Jumbo Lamp 裝飾,襯埋周圍的射燈,好靚呀!



行完街就返沙田,今晚要去太陽家訓,因為明早太陽哥哥樓下交車;經過鵝頸橋忍唔住去買串好味沙嗲,好好味,不過$12串,都幾貴下!



臨上巴士前,去埋松記買外賣糖水返去食,好滿足的一晚!其實今日係結婚 13 個月紀念呀,係咁多美食下渡過,都幾開心呀!



沒有留言:

張貼留言