2010-10-10 (Sun) The One．澳洲牛奶公司

今日係十完十美的落雨天，天氣麻麻，但旨在好意頭的一天！等太陽哥哥放工後去左尖咀，行新開的『The ONE』‧

呢度好多 i.t. 內的品牌，個人覺得被佢包起玩晒咁滯，對我唔係太好行，因為我都唔係買開呢ｄ品牌既衫！但成幢 The ONE都幾有The ONE的感覺，只係屬於呢度only咁，ｄ設計都好特別；比如入口門口位左邊，係 :White Choccolate 即將開幕，成塊白色牆都係白朱古力黎架！

商場入面，見到勁多 The ONE 的字眼，每張設計都有它的概念，的確比人感覺得到無論食呀(dining)、娛樂呀(entertainment)、生活品味(life style)等，都盡在 The ONE 咁！概念咁特別，我一見到都會諗下諗到ｄ咩，所以影左好多張相，有ｄ畫仲好靚添！

呢間 frozen yogurt shop好受歡迎，自己裝乳酪自己添配料，跟住先比錢，全自助式！

較頂層全層係一間好特別的鋪頭，入面好多特式野，店名睇左陣先知叫『Lost & Found』，因為個 LOST 冇左個Ｏ，開頭都唔知咩字，咩 L  ST？後尾先明白，上面冇左個Ｏ( L  ST)，下面搵返個Ｏ(FOUND)，個 O 被 underline 左，兼係同 LOST 同一字款，所以叫『Lost & Found』！

仲有 NOW OPEN字眼，其實同 LOST & FOUND係互相呼應架！呢度ｄ野真係幾得意，唔係好膚淺咁行過望一眼就算，要停低諗下先明架，有點深度！掂！有諗頭！哈哈～～原來每個設計背後真係它的意思，諗出黎個條友真係叻！其實我仲諗緊，LOST & FOUND下面個三個公仔，係咪都有意思架？但我諗唔到呀．．．

好多又得意又特別的櫈款：

呢個掛衣架好靚呀，我好鍾意！大家知我做緊咩嗎？就係．．．耍緊葉問拳！

Jumbo size的鉛筆、刷膠、間尺！

晚餐去左澳洲牛奶公司度食，我只係想食碟多士炒蛋加一碗燉奶，所以太陽哥哥要食埋我碟意粉！