想玩迪迪尼黑色世界 Halloween，上星期約左表姐同諾諾一齊去迪迪尼，我亦續埋全年入場證，一於繼續同諾諾一得閒就黎 tea＋hea！
今年唔再係 Jack & Sally做主角啦，換黎黑色女巫同火龍！
我地黎到兩點半，剛見到米奇米妮出黎影相，佢地著既都係新哈佬喂服飾黎架！
仲有高飛，佢仲跑過黎撲向我度添呀！
我鍾意的 chip n dale，不過我覺得佢地套衫唔靚既！
城堡前的火龍～～
我地先玩騎馬仔，今日諾諾隔離屋的妹妹Florence同佢媽咪都有一齊黎呀！
睇諾諾笑得幾開心！
Halloween裝飾：
去左Adventure land 坐探險船，第一次同諾諾玩呢個！
跟住玩小熊維尼：
之後休息下，表姐焗左愛心米奇曲可餅呀，身同腳要砌出黎架，好得意呀！表姐真係一位愛心爆棚的好媽媽～～
休息完就去小小世界進發，睇諾諾一支箭咁衝過去！
同諾諾合照，閃光燈太閃．．．
最後玩咖啡杯，兩個小朋友都笑得好開心，表姐影的snap shot真不錯！
之後太陽哥哥夜場黎到，佢專誠入黎陪我玩鬼屋架！
大街酒店，呢個好驚！
森魔詭域，呢個唔太驚！
正想玩埋第三個鬼屋時，先知原來迪迪尼今年得三個鬼屋．．．咁少？頂～～算啦，就周圍行下ｄ商店、睇下show、同ｄ鬼影相咁；Parade我冇興趣睇，之前都睇過；煙花成九點先有，唔等啦，好肚餓；旨在玩鬼屋目標已達，所以我地就走啦！
沒有留言:
張貼留言