今朝約左Fiona飲茶，一來想叫佢combine幾個月保費幫我一次過碌賺多ｄ里數，二來好耐冇見Natalie啦！因為威哥係度，佢點左好多野，同上星期飲茶一樣，四大一細食十六個點心；冇左琪琪，換上Fiona＋Natalie，但都唔會點食得多啦，威哥真係點野食點到有點離譜，最後起碼打包左三個點心返屋企！
最後冇連續碌幾個月保費，反而月供加左一百蚊，換過份updatedｄ的保單，仲一年咁碌左咭；加埋媽咪本身保險到期，佢又揀左一年保費咁比，所以總共碌左五位數字，可以儲好多分呢！
Natalie全場好靜好乘，但臨尾開始熟絡，仲叫我地唔好返屋企一齊去玩添！
Natalie畫畫好有天份，佢畫我同媽咪，觀察力好強；媽咪有大圓領＋泡泡袖，我就有白色一忽忽既圖案＋外套；真係有根有據，唔係亂畫架！
飲完茶後，去左金鐘join埋太陽爸媽，等太陽哥哥車我地去大口環，一個好避既地方；太陽爸爸早前申請左個香港靈位，今朝一早帶返太陽嫲嫲既骨灰由汕頭黎香港；地點係大口環廣華義莊，咁岩落車時好大雨，一路行落黎條路都幾恐怖，好似森林咁，似大帽山個ｄ避靜地方，但間唔中又會見到有人個種；入到廣華義莊範圍後，仲要再行多一段路，途經好幾個供奉先人既地方，好殘舊架，仲生左ｄ野草咁，我仲見到有棺材，勁驚呀
跟住去到一個範圍，應該就係新起出黎比人租黎放先人靈位既地方，即係太陽嫲嫲骨灰將放係既位置，呢度好光猛、好乾淨、好新、好有安全感！我地先交文件做手續，再買ｄ香油同衣紙去燒，跟住有人黎幫手放個骨灰入靈位度；呢個過程，雨越落越大，太陽爸爸話好呀，落大ｄ好呀，水頭充足喎！
不過有段插曲，就係太陽爸爸係汕頭拎落黎既太陽嫲嫲骨灰，係用一個大盒裝住，好似ｄ珠寶箱咁；個呀姐見到話咁大個既？因為平時骨灰係用一個類似燉盅既骨灰龕裝住架麻；跟住個呀姐就打開個盒，睇下入面咩情況，點知．．．入面唔係灰，而係一塊塊／一片片燒左既白色既骨．．．大家都打左個突
其實見到太陽嫲嫲既骨，我個心都有點唔舒服，覺得人一生，最後只係變成一堆骨／一堆灰，為乜？無論您在世時擁有ｄ咩、爭取到ｄ咩、賺到ｄ咩，都係帶唔走，最終只係變成咁，真係萬般帶不走．．．
幫太陽嫲嫲攪完靈位後，我地去左西環食tea，跟住車太陽爸媽搭車，我就同太陽哥哥去交車；之後我地去左油蔴地永安行街，睇下大減價有咩買，開頭想買定多個喼去旅行，最後都係怕阻地方唔買；食左tea唔上唔落，飲早茶ｄ野我其實都未落格；跟住返屋企，到夜晚肚餓先整左青口＋煮麵食！
沒有留言:
張貼留言