2010年6月21日 星期一

2010-06-21 (Mon) Cooking Class:薯仔炆雞翼.奶油豬仔包


經過生活上既調整,宜家逢星期一係我地屋企既family dinner,我地會盡量逢星期一唔出街唔約人唔做其他野,因為一星期通常只得呢一日係人齊食晚飯咋!


個個返黎食飯媽咪當然最開心,煮野食都煮多d同開心d;平時我最早返到屋企既,所以我通常都睇到媽咪起碼一半既煮飯過程,就係咁,我覺得星期一就係我上cooking class既日子喇,而媽咪就係老師!


今晚其中一味餸係薯仔炆雞翼,我就睇住媽咪煮,又幫下手兼偷下師;如果可以,希望逢星期一就學煮一兩味餸,跟住weekend是但一晚就唔出街,係屋企煮飯食,咁就學以至用啦!




飯後,琪琪拎左三個好大既豬仔包出黎,佢開頭仲講笑話係假麵包,真係幾似假架,好大個,好假咁!原來佢話整奶油豬仔包我地試下喎~~




整作中~~跟住用"乾波爐"焗...




叮!夠鐘~~



搽埋煉奶,攪掂!好脆好好味呀~~




沒有留言:

張貼留言