今日晚場約左Victor一家去『文華東方酒店』食dinner buffet，我地大家都未試過呢間，第一次黎咋！
Dinner buffet 六點半開始，文華話晒係高水準酒店，但dinner buffet 只係$338一位，我覺得非常抵呀，所以先黎試下；黎之前冇抱好大期望，諗住佢有生蠔、長腳蟹、刺身、燒牛肉呢幾樣抵食野我已經OK，我仲叫 Gigi 唔好抱太大期望，我估呢度係貴不貴多！
點知海鮮除生蠔同長腳蟹外，仲有好多款，好似大頭蝦、瀨尿蝦、剝了殼的啖啖肉蟹腳、青口等等，真係意料之外；所以呢，冇期望係好好架，出黎結果係更加開心！
呢度拎食物既位置係係正餐廳正中間，唔係單向靠牆式咁放，變左客人可兩邊方向咁拎食物，good！生蠔佔最多範圍，兩邊都有，我影相都影得好開心！
勁多刺身任您食～～
壽司：
Wasabi 一座座小山咁比客人一拎就可拎一舊仔！
沙律：
芝士(左邊個款超好味!!)：
涮下涮下既都係高檔野，有蝦、蟹肉、帶子等，並唔係常見的丸呀菜呀菇咁！
甜品好多款呀～～放係玻璃下面，唔會鋪塵，加分～～客人係前面拎，侍應們會係後面添返上前，型！
影完食物就返去開始食野啦，先發現檯面每人一碟牛油，感覺貼心！
我的第一盤海鮮
我的第二盤海鮮，一共食左八隻生蠔！
中間食左其他野但冇影，到燒牛肉，好正，生熟適中，肥瘦適中，好"林"，好岩我食，好好味呀！
好味到要添食！
講完食野講下玲玲先，玲玲越大越好玩啦，開始唔怕三保，好快同佢混熟，佢會主動 hi 我地，仲指住我地，即點名要我地同佢坐同玩，好鬼可愛呀！
太陽哥哥叫玲玲錫佢，咁岩比我捕捉到玲玲呢個攪笑表情！
玲玲錫太陽哥哥，不過對唔正！
太陽哥哥 & Victor：
我的第一盤甜品～～好鐘意呢度ｄ甜品咁"的骰"的一碟碟仔，方便一ｄ好似我又為食又想試多幾款既客人！
由左上角開始順時針一圈到中間：Chocolate Opera Cake、Mandarin Tiramisu、Mango Pudding、Dark Chocolate Ganache Cake、Blueberry Cheesecake、Apricot Apple Crumble、Mochi Red Bean Paste、Chocolate Brownies、Passion Fruit Chocolate Cake：
咁大盤甜品梗係要拎住影相啦，玲玲同我玩緊，我叫佢一齊拎，佢好聽話咁照做呀，仲識對住鏡頭笑呢！
呢兩張都影唔到玲玲望鏡頭呀！
我同太陽哥哥都影返張合照先
影完相，我比個甜品玲玲，叫佢楂住，唔好跌呀！佢乖乖咁好小心咁楂位，好可愛呀！
我叫佢聞下香唔香～～
跟住忍唔住偷食！哈哈～～
Lam Lam 脷～～
比第二樣佢，佢就變左飲杯～～
食完第一碟甜品又繼續試，務必要試晒咁多款！前面兩款是新試的Caramel Custard、Assorted baked Fruit & Berry Tartles，後面係翻添的！
再試埋 Panna Cotta with Strawberry、Apricol, Apple Crumble，終極滿足！
玲玲要我部相機影相，點解個個小朋友都咁鍾意拎大人部相機玩既？諾諾又係咁架～～不過玲玲自拍都OK呀，呢幾張係我精選既，佢對眼又黑又大呀！
我叫佢影腳腳，佢就真係影腳！哈哈～～呢對鞋我地上年買比佢一歲生日架，等左大半年終於岩著啦！
Victor 比左支長麵包玲玲食，佢就學媽媽要剪！
識整 2 & 3：
睇玲玲同我玩得幾癲！
今日好開心、好滿足！
沒有留言:
張貼留言