2010年6月15日 星期二

2010-06-15 (Tue) 靚靚腸仔麵.世界盃賽事圖


聽日係假期,今晚應該去玩先係,可惜要PT;唯有約太陽哥哥放工宵夜啦,但到放工時葵芳又冇咩好食,最後佢煮左個靚靚腸仔麵比我,望到佢第一次整的花紋腸,我食得好開心呢!



太陽哥哥話唔要餸,比晒我喎,我又點會咁衰呢,我梗係分一條比佢啦!食既係韓國買的薯仔麵,如媽咪細妹話齋,真係好韌好彈牙好好味呀,可惜再買唔到啦!




之前同太陽哥哥講過,我想要一張世界盃賽事圖,因為每場波知道賽果後,自己填窿窿跟住計分,再填入圍表,我覺得好好玩架,上一屆我都係咁!但四年前我個張係兩張年曆咭size既咭仔,而今次,太陽哥哥唔知係邊度"班"到張poster size既比我,好大張架!我問左佢幾次係邊度得返黎,佢一路只話係酒吧門口偷哥喎,仲比人追,差d被人捉到添...真定假呀?!



已經填左好幾場賽事啦!



下個星期可以開始填十六強~~




沒有留言:

張貼留言