今日係我既 long weekend尾二的假期，但對太陽哥哥黎講係最後一日；今日亦係我地結婚7個月紀念日，所以今日我地兩個一齊過！訓到自然醒係放假最爽既一件事，hea下後決定去朗豪坊用免費飛睇五點幾既猛鬼街；先去樓下食brunch，太陽哥哥好鍾意呢度既切雞米，三日假期食足三次都唔嫌！
拎紙巾時先發覺Kleenex最新packing入面，原來係有公仔既紙巾黎架，勁靚呀！呢包試用裝係街邊派架，外表一ｄ都唔吸引，但入面原來咁靚既，得閒睇下正價賣幾錢先！
出旺角後先買飛，跟住shopping，係潮區用有問題既衫換左條裙：
再係chocoolate買左兩件衫：
買滿六百原來仲送頭飾，勁鍾意星星同波波！
猛鬼街雖有原著，但我從未看過，所以冇比較；都真係幾驚，嚇得我丫！但有ｄ位睇完都唔明，都冇交待既．．．比如，究竟係freddy抵死定班細路間接害到佢咁架？講ｄ唔講ｄ既？！
今日原本約碌齡但約唔成，反正休都係一個人係尖咀等女友，我地就相約佐敦澳洲牛奶公司一齊食飯！
休剛係長洲出黎，所以有好多平安飽產品！
CW同朋友食完飯後會合我地，去左油蔴地松記食糖水！
返屋企後試衫，chocoolate買的兩件衫都好鍾意，因為我好鍾意有兩個大袋係側邊既衫架！
沒有留言:
張貼留言