同事May話近來買左部『美的』吸塵機，好慳位，介紹我買；加上千色店慶祝廿週年做緊大特價，非常扺買喎！尋日放工我就即刻碌去荃灣千色店睇下啦，因為開始覺得用掃把打掃屋企實在唔夠效力，都係時間為屋企添置返一部吸塵機！
真係超抵呀，原價$299減到$249，因為慶祝廿週年，再discount到$169；其次係我貪佢真係好慳地方，岩晒我唔想添置大舊物體係屋企既心態！最重要只係百幾蚊部，用一年都抵啦！不過可惜冇貨，聽日先有．．．但我黎緊連續幾晚都有野做，黎唔到買，就叫媽咪經開荃灣的話就幫我買，起碼比左錢先，頂多我得閒先去拎！
誰不知今日媽咪即刻幫我攪掂左，仲拎埋返屋企，真係very helpful and very nice喇！
砌好成部就係咁喇，放係牆角只佔少少位，真係好慳位呀，又方便；以後做cleaning就舒服得多啦，正！千色店做到18/5號咋，要買趁手啦！推介～～
沒有留言:
張貼留言