今晚同太陽哥哥上左Mariott Vacation Club 聽介紹，呢個club我有兩位朋友去過，一個拎百佳/citysuper cash coupons，一個去左布吉間Mariott住；世上冇free lunch，付出就係兩個小時聽佢地講Mariott 歷史同埋sell 野啦；不過扣返半個鐘比我地自己坐係度慢慢食下野，其實聽介紹都係個半鐘啫！
老實講，個presenter真係講得好悶呀，我有心買package都比佢攪到冇晒興趣囉；不過Mariott 大集團真係大集團，講明唔洗熄電話，震機就得啦，佢地亦唔會落閘放狗；呢part令我最滿意，因為聽過有個唔知咩holiday club，要熄電話又扣起張身份證仲唔放人走．．．其實都係信Mariott先會黎！
最後，我地梗係買唔起ｄpackage啦，有錢人既玩意，我地平時去旅行都冇咁豪下下住Mariott既！最正係佢地一ｄ都唔pushy，我地一句"暫時未有需要"，佢地就話ＯＫ，跟住帶我地拎free gift，仲好有禮貌咁送我地走！
我地拎左$300 citysuper cash dollars＋以下呢張voucher，其實係上星期Mariott係青衣城擺booth，我地睇到可以平價住Mariott海外酒店，包括東京／曼谷／沖繩等，一路心郁郁想同太陽哥哥去旅行慶祝黎緊拍拖四週年(八月)／結婚一週年(九月)，其實好初步打算，因好難就到good timing，summer 挨貴價又唔想，九月有朋友結婚有ｄ日子又唔去得，又想年尾去滑雪多ｄ．．．Anyway，去左聽介紹又冇壞，聽人講野個半鐘換到呢ｄ野，都抵丫！
其實唔揀呢張voucher as gift，可揀$500 citysuper/parkshop cash coupons，又或者Mariott機場 free night一晚架，不過我地想旅行多ｄ，覺得拎左呢個voucher，多個選擇啫！如果用到以下張voucher，又用milage換免費機票，都幾盞丫；不過兩晚唔夠住，點都要付出ｄ錢租多兩晚酒店先夠喉！
因為聽介紹前有西點食，所以今日既晚飯係．．．周街食，食ｄ簡單既野！先帶太陽哥哥去鵝頸橋個檔好好味既串燒：
跟住返青衣去戲棚，今日係第一日開，一連五日，Yeah！我地應該又會係咁黎買宵夜啦，因為過埋呢幾日，要等一年先再有架啦！
因為黎到已十一點九，我地驚就快十二點會收檔，就怱怱忙忙買野食冇咩影相；我仲有買豆腐花架，上一次戲棚開我一次都冇試，之後聽到媽咪激讚，今次梗係要捧下場啦；點知比Jacky媽咪認得我，佢仲知我結左婚，話要請新娘子食野，所以唔肯收我錢呀！
沒有留言:
張貼留言