今日係太陽哥哥正日生日，本身一齊放假既，但難得星期五係佛誕公眾假，太陽哥哥講左唔會楂車，連星期六都休息，我地就決定今日照返工，聽日先放假，咁咪連續放幾日囉！
生日飯揀黎揀去，最後都係去返 Flame @ Towngas Avenue，都係對佢情有獨鍾！
對上一次黎上年十二月慶祝聖誕，隔左五個月，宜家呢度多左個Buffet Counter，可以任食salad, appetizer, soup, dessert！
今日個湯係Lobster Bisque (龍蝦湯)：
盤麵包竟然係咁既形狀，好難唔令人想入非非喎！
Main course 我揀左"Grilled Australian Wagyu Beef with Black Truffle Gravy (扒澳洲和牛配黑松露菌燒汁)"；呢款main course要加錢，但我想試和牛都決定加，真係超級好好味呀，食多舊都得
太陽哥哥揀左"Roasted Whole Pigeon (烤原隻鴿子)"，太陽哥哥話好好味too！雖然我相信呢度一定煮得唔錯，但我始終覺得食鴿子去酒樓都得啦，哈哈！
Dessert 細細件，岩晒平時唔太好甜品但又成日想試一啖既我！有Bread Pudding, Cream Brulee, Cheese Cake等．．．埋單差唔多七百蚊，不過太陽哥哥話要比錢，佢話因為我已經花左好多錢送左份生日大禮物比佢喎！
今日太陽哥哥收到同事的生日賀咭，令我大開眼界，我足足用左十分鐘先全張欣賞完呢！做Design行業既人真係唔同ｄ，我平時收咭多數係文字多，但從呢班design team的祝賀中，睇到有意思係入面架，好勁呀！
先睇咭既畫面，iMac入面係楂的士既太陽哥哥，雖然個男人畫得有點恐怖，但淨係個封面，已經有幾個仔細位係有意思的．．．
蜘蛛入面係spiderman，呢個idea掂！
三柱香＋生果＋金元寶係有點賤，但都係開個玩笑啫！
呢舊野我睇唔明呀．．．
咭入面係太陽哥哥同事們的祝賀，我特別對有畫公仔既地方感興趣！
Sunny Logo都有，掂！
好似太陽哥哥呀，畫得比太陽哥哥畫自己仲似！
搵晒相同歌詞，好有心喎！
最令我笑到肚痛係壓軸呢兩個：
步步高昇．．．喻意hair！太陽哥哥一路擔心髮線向後移，原來呢樣野佢同事都知；雖然係太陽哥哥唔開心既地方，但呢個idea又真係好爆笑呀！
太陽哥哥言詞一向以誇張見稱，我曾聽過佢被封為"誇部門組長/經理/代表"等字眼
下款Queen姐係因為太陽哥哥幫Vivian改既，好衰呀！不過睇得出佢地返工原來咁開心既，唔怪之太陽哥哥咁鐘意呢班同事啦！哈哈！
沒有留言:
張貼留言