放假後要處理既事多到一籮籮：洗十日以黎既衫、換被鋪床單、執喼、執旅行帶＋買返黎既野，亦因為旅行前約好左今日送電視櫃．．．除左以上公家事，仲有我既私人業務：追返十集宮心計＋富貴門、整理相片、寫blog．．．基於以上種種，我今日要繼續放假！
其實尋晚返到黎都差唔多十二點啦，即刻連續洗左兩機衫，香港天氣比台灣既天氣仲凍仲差呀！之後我就睇劇啦，相片同寫blog都放埋一邊先，因為怕唔追TVB live會cut，到今朝成六點先訓！哈哈～～
訓醒之後見媽咪，同佢食早餐，又分享下手信同旅行趣事；跟住等收電視櫃，可惜有問題，呢次真係麻煩了．．．不過太陽哥哥話交比佢黎跟進，咁我就唔理了！
攪呢攪路，得閒又做下打掃，得閒又追下劇，好快就日落．．．出門口去大圍同太陽爸媽食飯！我地今日出街食，去左大圍火車站既『江南小廚』～～
個翅好正呀～～
好大隻豬手呀～～
沒有留言:
張貼留言